Zefaniya 3:13 - Bhiblia Yo Sawuleka

¹³ Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Zefaniya 3:13 Referans Kwoze

Mtuletelo 14:5

Txima kha kuzivi kumanwa makuhu sisofuni kwawe. Kha va nga ni txisolo.

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Mika 4:7

Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Isaya 17:2

Madhoropa a ditiko da Aroweri ma na lekwa; ma na lumba mitxhambi, yi na zumba kona, na ku si nga ni wa ku yi dhukisa.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Ezekhiyele 39:26

Se va na rwala tingana tawe, ni wotshe wueyisi wawe, awule va nga ni eyisa ngu wona, ngako va txi zumba va di tsani ditikoni kwawe, ku si maneki wa ku va dhukisa;

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Jeremiya 23:4

Ni na emisa vadyisi txitimwi ka tona, ava va no ti dyisa. Kha ti na mbi ngadi ti thava, hambi kudhudhumela, kha ku na mbi pwateka ni ya yimweyo, kuwomba Mkoma.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

1 Johani 5:18

Ha tiziva ti to votshe va va nga velekwa ngu Txizimu, kha va hanyeli kuonha, nguko Mwanana wa Txizimu wa va veketa, se m'bihi kha na ku va gwesa.

1 Pedro 3:14

Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

Vakolosa 3:9

Mi nga hembelaneni, nguko mi xivite m'thu wa kale ni hanyelo yakwe;

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Joyeli 3:21

Se ni na sawulekisa mnoha wa va ni nga sa va sawulekisa: Nguko Mkoma a na zumba Siyoni.

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Isaya 63:8

Nguko Mkoma a ti ti khene: Kha ditshuri, vona i vathu vangu, vanana va va na kwa mbi womba makuhu. Ngu toneto, ene a to va Muhanyisi wawe.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Masalmo 119:3

Ava va si mahiko kubiha, va tsimbilako tinzilani ka Mkoma.

Masalmo 23:2

Wa ni humuta hagari ka lihunga lo nakana kambe wa ni gola a txi ni yisa ka mati o tenga.

Levhi 26:6

Ni na ninga kudikha ditikoni; se mi na otela mi di tsani, kha ku na mbi va ni wa ku mi dhukisa; kambe ni na fuvisa sihari sa tshofu sa mafu, ni ti to ditikoni kwanu kha ku na mbi maneka ditxhari.

Jobe 11:19

Se u na otela, ni wammweyo kha na mbi kuxamala; votala va na swahutela khohe yako.

Masalmo 120:2

Ni hulukise, Mkoma, ka vathu va makuhu ni ka vakanganyisi.

Masalmo 120:3

U na wuyelwa ngu txani, u na mana txhatxhazelo muni awe lidimi la makuhu ni lo kanganyisa kani?

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

2 Makronika 20:30

Se wukoma wa Josafati wu to mana kuthutha, Txizimu txakwe txi to mninga kuhumula ngu madhawa otshe.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.