Zefaniya 3:12 - Bhiblia Yo Sawuleka

¹² Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.

Zefaniya 3:12 Referans Kwoze

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Varoma 15:12

Kambe Isaya nene wa womba a txi khene: “Di na humelela diphasikela da Jese, i ku wule a telako ku ta fumela otshe matiko; se ona matiko ma na veka kwakwe txithembo txa ona.”

Matewu 12:21

Matiko ma na themba ditina dakwe.”

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Zakariya 11:11

Se txitumelelano txi funyilwe ka dona ditshiku dile, mtxhambi wule wa wusiwana wu nga ti ti ni verela, wu ti zivisile toneto, ti to edo i ti ti dipswi da Mkoma.

Masalmo 37:40

Mkoma wa va vhuna ni ku va hulukisa; ene wa va vhikela ka vabihi, a txi va hanyisa, nguko vona va themba ene.

Isaya 14:30

Matiwula a sisiwana ma na dyiswa, ni sisiwana si na otela ngu kudikha; aniko ni na daya mkoloti wako ngu nzala, ni misalelwa yako yi na hasamulwa.

Zakariya 11:7

Se ani ni na dyisa tinvuta tile tiyako kudawani, tinvuta ta mtxhambi ta wusiwana; se ni to teka tindonga timbidi: Ndonga yimweyo ni to yi raya ku khani Wunene, se yimwani ni yi raya ku khani Kupfana; se ni to dyisa tinvuta.

Ezra 9:8

Se konakuwa, ngu mbimo yayidotho, hi mahetwe wumbilu ngu Mkoma, Txizimu txathu, kasi ku hi siyela vokari va di hulukile, ni ku hi ninga kuzumbiseka wukhaloni kwakwe ko sawuleka; kasi kuwoninga maso athu; o Txizimu txathu, kasi ku hi ninga wutomi wa wudotho wukhumbini kwathu.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

Jeremiya 17:7

A katekile m'thu wu a thembako Mkoma, awu kuthemba kwakwe i ku Mkoma.

Jeremiya 50:20

Ka ona masikuyo ni ka yoneyo mbimo, kuwomba Mkoma, ku na xotwa wubihi wa Israyeli aniko kha wu na mbi manwa, hambi sionho sa Judha kambe kha si na mbi maneka, nguko ni na divalela ava ni no va siyeta.

Ezekhiyele 6:8

Hambi keto ni na leka vokari ve huluka ditxhari hagari ka matiko, mbimo yile mi no hangalaswa ka matiko.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.