Zefaniya 3:1 - Bhiblia Yo Sawuleka

¹ Dikhombo ka wule wa ku ti lambisa ni kutinyenyezisa, didhoropa da kutsindaveta!

Zefaniya 3:1 Referans Kwoze

Jeremiya 6:6

Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Zakariya 7:10

se mi nga xaniseni noni, hambi wo felwa ngu vaveleki, ni wa matiko, ni txisiwana, mwendo kualakanyela wubihi mmwani ni mmwani ka mwanawe, mbiluni kwakwe.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Levhi 1:16

se dikhelele da kona ni mitenga ya kona, a na di thavisa a txi di tshotsha txiluveloni, ngu didhawa da wutxani, aha ka dikhuma;

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Amosi 3:9

Pfalisani tiya ka tinyumba ta wukoma ta Asidhodhi, ni ka tinyumba ta wukoma ta ditikoni ka Egipta, mi txi khanu: Sengeletanani mimangoni ka Samariya, mi wona pfilu-pfilu ya hombe hagari ka dona, ni vale va xaniswako ka dona.

Ezekhiyele 23:30

Eto ti na ku mahekela, nguko u mahile wugango ni vamatiko, kambe u ti nyenyezisile ngu sithombe sawe.

Ezekhiyele 22:29

Va tsindaveta ngutu vathu ditikoni, va txi pa, va txi lwisa wo xaniseka ni wa kupwata, va txi khozisa mluveli ku si nga ni fanelo.

Jeremiya 5:23

Aniko ava vathu va ni tutumile, kambe va ni mbilu ya wukaneti; va tiwukile, ve tsula.

Isaya 59:6

Sisaka sa va nyazombe kha si dingani kuluka ngu sona syambalo, hambi ku ti fenengeta ngu mithumo yawe; mithumo yawe, mithumo ya wubihi, ni mithumo ya wugevenga yi manzani kwawe.

Jeremiya 6:7

Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.