Zefaniya 2:9 - Bhiblia Yo Sawuleka

⁹ Ngu toneto, ni xambanya ngu kuhanya kwangu, kuwomba Mkoma wa Mabutho a Tiyimbi, Txizimu txa Israyeli, ngu ditshuri Mowabhi a na nga Sodhoma, se vanana va Amoni va na nga Gomora, kumaha ditiko da mindonga ya mipa, ni sisima sa mnyu, di na fuviselwa magwito, miboti ya vathu vangu yi na va handa, se miboti ya vathu vangu yi na va khozisa.

Zefaniya 2:9 Referans Kwoze

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Dhewuteronome 29:23

se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Jeremiya 50:40

Nga mbimo yile Txizimu txi nga lovisa Sodhoma ni Gomora ni vaakelani vakwe, kuwomba Mkoma; nga toneto ni wammweyo kha na mbi aka koneyo, hambi ni mwanana wa m'thu kha na mbi zumba.

Jeremiya 48:1

Xungetano ngu Mowabhi, a womba tiya Mkoma wa Mabutho a Tiyimbi, Txizimu txa Israyeli: Dikhombo da Nebho, nguko a hasamutwe! Kiriyatayimi a wisilwe tingana, kambe a honyotwe; Misigabhe a wisilwe tingana, kambe wa xamala.

Isaya 49:18

Gula maso u wona madhawani; votshe va va sengeletanako, vata kwako; na hanya ani, kuwomba Mkoma, taku u na ti ambeka ngu vona u ti bombisa, se u na ti ambeka ngu vona kufana ni txitekwa.

Varoma 14:11

Nguko ti bhatwe ti taku: “Ngako ni hanyako, kha Mkoma, otshe mazolo ma na khizama masoni kwangu, ni totshe tidimi ti na dhumisa Txizimu.”

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Zefaniya 2:14

Se hagari ka dona ku na zumba mitxhambi, sotshe sifuyo sa vathu; disekwa ni nungu si na zumba tiphandeni kwawe; mapswi a kuemba ka sona ma na pfala ngu mu ka mafasitela, kuxasela ku nava mitshunzutini ka dona, nguko tiphande ta mikedhari ti sate hakubasani.

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Jeremiya 49:18

Ku na nga kukhundumuswa ka Sodhoma ni Gomora, ni ka vaakelani vakwe, kuwomba Mkoma: Kha ku na mbi zumba m'thu eho, hambi ku mwanana wa m'thu e aka kona.

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Mitengo 14:21

Nga ha ni hanyako, ni kuphatima ka Mkoma ku na tata mafu otshe.

Jeremiya 49:1

Txisolo ka vanana va Amoni, Mkoma a womba tiya: Ina Israyeli kha nga ni vanana, kha nga ni sidya-thomba kani? Ngu kutxani koko Malkami a lumbwako ngu Gadhi ni vathu vakwe e zumba madhoropani ka kona kani?

Jeremiya 49:33

Se Hazori a na va dizumbo da madragoni, ngu kufuviswa ka yotshe mbimo; kha nga ho a no zumba hale, kambe kha ku na mbi maneka mwanana wa m'thu.

Amosi 2:1

Mkoma a womba tiya: Ngu kuhambunyeta kuraru ka Mowabhi ni ka wumune, kha ni na mbi thavisa txitsayiso, nguko a hisile marambu a mthangeli wa Edhomi, me za ma maha dikhuma.

Dhewuteronome 29:22

Liveleko li li no maneka, i ku situkulwana sanu si si nota ngu msana kwanu, ni valuveli vale va nota ngu matikoni ka kule, ngako va txi ta wona makhombo a dona ditiko diya, ni mitungu yi Mkoma a no xanisa ngu yona ditiko;

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.