Zefaniya 2:8 - Bhiblia Yo Sawuleka

⁸ Ani ni pfite kuruketela ka Mowabhi ni mapswi a nzambwa a vanana va ka Amoni, aale va nga ruketela ngu ona vathu vangu, ve ti bhuma ngu mihingano yawe.

Zefaniya 2:8 Referans Kwoze

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Jeremiya 49:1

Txisolo ka vanana va Amoni, Mkoma a womba tiya: Ina Israyeli kha nga ni vanana, kha nga ni sidya-thomba kani? Ngu kutxani koko Malkami a lumbwako ngu Gadhi ni vathu vakwe e zumba madhoropani ka kona kani?

Ezekhiyele 36:2

Ngu kumaha keto Mkoma Txizimu a khene: Eko mlala wanu a ku khene ngu nganu: Yowe! Yowe! Kala ka timbimo ta kwa mbi gwita, mi na va thomba yathu;

Joxuwa 5:9

Mkoma a wombile kambe ka Joxuwa a txi khene: “Nyamsi ni thavisile kwanu tingana ta Egipta.” Ngu toneto, wukhalo wule, wu dhanwa ku i Giligali, kala ka ditshiku da nyamsi.

Isaya 15:1

Mahungu a Mowabhi. Ngu ditshuri, ngu wusiku wumwewo, didhoropa da Are wa Mowabhi di khundumusilwe, di fuvisilwe; ngu ditshuri, ngu wusiku wumwewo, didhoropa da Kiri wa Mowabhi, di khundumusilwe, di fuvisilwe.

Isaya 16:6

Hi pfite kutikulisa ka Mowabhi, wa ti kulisa ngutu, ni kutitsimba kwakwe ngutu, ni kutikukumukisa kwawe, ni kuhenya kwawe, kutikukumukisa kwawe nga walo.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Sidilo 3:61

Awe Mkoma, sipoyilo sawe u si pfite ni makungo awe otshe a kulwa ni nani.

Ezekhiyele 21:28

Se awe mwanana wa m'thu, profeta u txi khawe: Mkoma Txizimu a khene madingano ni kutxhipiswa ka vanana va ka Amoni: Womba ku khawe: Ditxhariu, ditxhari di hindisilwe ni kuswililikila kudaya ni kufuvisa, ni kuphatimaphatima;

Amosi 2:1

Mkoma a womba tiya: Ngu kuhambunyeta kuraru ka Mowabhi ni ka wumune, kha ni na mbi thavisa txitsayiso, nguko a hisile marambu a mthangeli wa Edhomi, me za ma maha dikhuma.

Zefaniya 2:10

Eto ti nava hakhelo ya kutikulisa kwawe, nguko va ruketete ni kutikulisa txitimwi ka vathu va Mkoma wa Mabutho a Tiyimbi.

Genesisi 19:37

Mkomwakona a to veleka mwanana wa dizambi, awu a nga m'dhana ku i Mowabhi, i ku tate wa Vamowabhi kala ni nyamsi.

Genesisi 19:38

Mnanda wa kona nene a to veleka mwanana wa m'zambi, awu a nga mraya ditina da Bheni-Ami, i tate wa Vaamoni va kuho kala ni nyamsi.

Jeremiya 48:1

Xungetano ngu Mowabhi, a womba tiya Mkoma wa Mabutho a Tiyimbi, Txizimu txa Israyeli: Dikhombo da Nebho, nguko a hasamutwe! Kiriyatayimi a wisilwe tingana, kambe a honyotwe; Misigabhe a wisilwe tingana, kambe wa xamala.

Ezekhiyele 25:1

Se di tile kwangu dipswi da Mkoma, di txi ta kha dona:

Ezekhiyele 35:12

Kambe u na tiziva taku ani Mkoma, ni ma pfite otshe manyala ako, ale u nga ma wombetela u txi wukela mimango ya ka Israyeli, u txi khawe: Se va mahilwe marumbi, va ningetwe kuva wudyiselo wathu.