Zefaniya 2:7 - Bhiblia Yo Sawuleka

⁷ Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Zefaniya 2:7 Referans Kwoze

Zefaniya 3:20

Ka mbimo yoneyo ni na mi wuyisa, ka mbimo yoneyo ni na mi sengeleta; ngu ditshuri ni na mi ninga kudhundeka ni wudhumo, hagari ka votshe vathu va ha mafuni, mbimo yi ni no wuyisa tikhumbi tanu na mi txi ti wona, kuwomba Mkoma.

Ezekhiyele 39:25

Ngu konaho, Mkoma Txizimu a khene: Kona kuwa, ni na tshumela ni wuyisa tikhumbi ta ka Jakobe. Kambe ni na mahela wumbilu yotshe nyumba ya ka Israyeli, ni na emela ditina dangu do sawuleka.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Mika 4:7

Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Obhadhiya 1:19

Se va Wulambwe va na teka mmango wa Esawu; va tibalani va na tekela Vafilista; ve teka kambe tithembwe ta Efrayime, ni tithembwe ta Samariya, se Bhejamini a na teka ta Gileyadhi.

Jeremiya 33:7

Ni na wuyisa va vo ñolwa va ka Judha ni Israyeli, ni na va akisa nga kale.

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Varoma 11:5

Ngu toneto, ni konkuwa yi ho mibotyana yi nga sawulwa ngu kuranda ka kateko.

Mithumo 8:40

Kambe Filipi a to maneka a di Azoto; se e tsimbila e gondisa Evhangeli ka otshe madhoropa, kala eya hoka Khezareya.

Mithumo 8:26

Ngelozi ya Mkoma yi to gela Filipi yi txi kha yona: “Khukha u txi ya ka didhawa da wulambwe, ka nzila yi yi kwitimako, kukhukhela Jerusalema yi ya Gaza, nzila ya kona i ku ya txiwulani.”

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Mika 4:10

Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.

Jeremiya 32:44

Va na xava tithembwe ngu male, ve bhala mapapilo a mxavo, ve ma tsanisa, ve dhana tifakazi, amu ditikoni ka Bhenjamini ni madhawani ka Jerusalema, ni madhoropani ka Judha, ni ka madhoropa a mimangoni, ni madhoropa a tibalani, ni madhoropani ka mswa-ditambo; nguko ni na wuyisa vo ñolwa, kuwomba Mkoma.

Jeremiya 31:7

Nguko Mkoma a khene: Embelelani ngu litsako ka Jakobe, giringani ngu mhaka ya wu i ku mfumeli wa matiko; embelelani tindando, mi txi khanu: Mkoma, hanyisa vathu vako, i ku misalelwa ya Israyeli.

Jeremiya 30:3

Nguko ma ngadi ma txi ta masiku, kuwomba Mkoma, ayo ni no tshumeta ngu ona ava vo sungwa, i ku Israyeli ni Judha, kuwomba Mkoma. Ni na va wuyisa ditikoni mu ni nga ha vakokwani vawe, va na di fumela.

Jeremiya 23:3

Ani nipune ni na sengeleta misalela ya tinvuta tangu, ti huma ngu ka otshe matiko amu ni nga ti hangalasa kona, ni txi ti tshumetela wudyiseloni ka tona; ti na veleka ti txi anda.

Jeremiya 3:18

Ka onayo masiku nyumba ya ka Judha yi na longoloka kumweko ni nyumba ya ka Israyeli; va nata ngu wumbidi wawe ngu ditikoni ka Wuphemba, va txi ta ka ditiko di ni nga ninga vatate vanu kuva thomba yawe.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Masalmo 85:1

Mkoma, awe u katekisile vathu vako. U tshumetete ka Israyeli tithomba takwe.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Hagayi 2:2

Womba konkuwa ka Zorobhabheli, mwana Salatiyeli, mthangeli wa ka Judha, ni ka Joxuwa, mwana Jozadhake, mphaxeli wa hombe, ni ka vathu vale va nga sala, u txi khawe:

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Zefaniya 2:9

Ngu toneto, ni xambanya ngu kuhanya kwangu, kuwomba Mkoma wa Mabutho a Tiyimbi, Txizimu txa Israyeli, ngu ditshuri Mowabhi a na nga Sodhoma, se vanana va Amoni va na nga Gomora, kumaha ditiko da mindonga ya mipa, ni sisima sa mnyu, di na fuviselwa magwito, miboti ya vathu vangu yi na va handa, se miboti ya vathu vangu yi na va khozisa.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Rute 1:6

Sekoko, ene a to khukha ditikoni ka Mowabhi ni vamane vakwe, nguko a ti engisile a di ditikoni ka Mowabhi, ati to Mkoma a endete vathu vakwe ngu kuvaninga sakudya.

Masalmo 80:14

O awe Txizimu txa Mabutho a Tiyimbi, hi wone na u di nzumani, hi kukombela wonisisa ta tinene u xayisa m'vhinya wuwa.

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

Jeremiya 33:12

Mkoma wa Mabutho a Tiyimbi a khene: Ka wuwa wukhalo wu nga maha txiwula, wu singako ni m'thu hambi txihari, ni ka otshe madhoropa a wona, ku ngadi ku txi na vaho wukhalo wa vadyisi, ava va mahako ti to sifuyo sawe si txi zumba ka wona.

Jeremiya 47:5

Ku na vaho kuyolwa ka hombe ka Gaza, kuloviswa ka Askaloni ni misalela yakwe mkovani; u na ti kuvelela kala yihi mbimo kani?

Hoseya 6:11

Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.