Zefaniya 2:3 - Bhiblia Yo Sawuleka

³ Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Zefaniya 2:3 Referans Kwoze

Masalmo 76:9

mbimo yile Txizimu txi nga khukha kasi kulamula kasi kutxhatxhisa votshe vale vo dikha ha mafuni!

Masalmo 22:26

Sisiwana si na dya kala si khura; avale va lavako Mkoma va na m'dhumisa. Va na hanye ta tinene kala kupinduka!

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Masalmo 105:4

Tutumelani ka Mkoma ni ka mtamo wakwe; lavani khohe yakwe yotshe mbimo.

Hoseya 10:12

Tiphayeleni wululamo, mi funyela madingano ni wumbilu, dimani thembwe ya wudimo, nguko i mbimo yo lava Mkoma, kala kuza e ta, kunane kululama txitimwi kwanu.

Jeremiya 39:18

Kambe ni na ku xanguta, khu na mbi dawa ngu ditxhari; aniko wutomi wako u na wu honyola nguko u ni thembile, kuwomba Mkoma.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

1 Pedro 3:4

Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

Matewu 5:5

Va katekile ava vo thutha, nguko va na mana thomba ya mafu!

Masalmo 31:20

Ngu kuvhikelwa masoni kwako, wa va emela ka sikungo so biha sa vathu; kota txibhiya txo tsana, awe wa va vhikela ka siruko sa valala vawe.

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Hoseya 7:10

Se kutikulisa ka Israyeli mbu fakazi masoni kwakwe; hambi keto, kha va na mbi tshumelela ka Mkoma, Txizimu txawe, hambi ku mlava ka totshe tiya.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Masalmo 149:4

Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

1 Vatesalonika 4:10

Kha ditshuri, ngu toneto mi hanyisako tona ni votshe vanathu va va ku ka dotshe ditiko da Makedhoniya. Aniko, vanathu, ha mi laya ti to mi txi ya masoni ngutu ka toneto.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

2 Samuwele 12:22

Se ene a to khene: Mbimo yile mwanana a nga ti hanya, ni ti toni sakudya ni dila, nguko ni ti ti khani: Mwendo Mkoma a na ni pfela wusiwana mwanana e hanya.

Masalmo 45:4

Kupfalisekani kwako, gadha dihantxhi dako u ya lwela ditshuri, u txi lwela txisiwana ni wo lulama mtamo wako wupune wu na kukomba sidiwukiso si u fanelako ku si maha.

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Ezekhiyele 13:5

Kha ma kwelela kuya tsiva matshoko, kambe kha ma lema tifa ta nyumba ya ka Israyeli, kasi ku mi txi ya maneka kulwani ngu ditshiku da Mkoma.