Zefaniya 2:15 - Bhiblia Yo Sawuleka

¹⁵ Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.

Zefaniya 2:15 Referans Kwoze

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

Nahume 3:19

Kha ku nga ni mrende wo kalamukisa txilonda txako; mbanga yako yo panda ngutu, votshe vale ngu ditshuri va no pfa nduma yako va na ku bhwabhwatela manza, nguko i mani wule wu nga mbi pinda ngu kwakwe wubihi wako kani?

Isaya 22:2

Awe didhoropa do tala ngu tihuwa; Didhoropa da tipfilupfilu, didhoropa do ndaka-ndaka ngu litsako, vafi vako hi nga vafi vo dawa ngu ditxhari, kambe kha va fela yimbini.

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Sidilo 2:15

Votshe va vapindako ngu nzila vo bhwabhwatela manza, awe mwanana wa dihorana wa Jerusalema Va txi kuvetela miloti, va txi kuzinginisela misungo, va txi kha vona: “Ina ngu wona m'ti wu wu nga ti dhanwa kale ti to mburi ya timburi, txitsakiso mafuni kotshe kani?”

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 19:8

Ni na maha didhoropa diya diva txidiwukiso ni txiruko; ni wihi a no pinda ngu kona, a na diwuka aha koza e veta mloti ngu kuxamala, ngu mhaka ya otshe makhombo eyo.

Matewu 27:39

Se ava va nga ti pinda, va txi mu ruketela, va txi zinginika misungo yawe, va txi kha vona:

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 27:36

Vanyamabhindu hagari ka vathu va to kuvetela miloti; awe u to maha txixamaliso ta hombe, kambe khu na mbiswa kambe u maneka ka yotshe mbimo.

Sidilo 2:1

Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.

Isaya 32:9

Khukhani mi ema, anu vavasikati vo zumbiseka, kambe engisani dipswi dangu; se anu vanana vamahorana o tithemba ngutu, riyani tinzeve mi engisa mapswi angu.

Jobe 27:23

Vathu va bhwabhwatela manza, va txi mmimela, kambe va txi veta miloti va di ha wukhaloni kwakwe.

Jobe 16:4

Ina nani ni ndi na wombawombisa tona ti mi wombawombisako tona, i ti kova ku moya wanu wu ka wukhalo wa moya wangu kani? Niku mwendo ni ndi na mi wukela ngu mapswi o tala, ni mi weketela msungo wangu kani?

Isaya 32:11

Dhudhumelani, anu vavasikati vo zumbiseka, kambe karatekani anu mi ti thembako ngutu; thavisani syambalo sanu, mi sala mi di simbwiri, se mi ambala masaka siwununi kwanu.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Jeremiya 18:16

Eko va maha ti to ditiko dawe diva txixamaliso, ni txiruko ngu ha ku si gwitiko. Ti taku ni wuhi a pindako ngu kona e xamala, e zinginisa msungo wakwe.

Isaya 47:10

Nguko u thembile wubihi wako, se u txi khawe: Kha ni wonwi ngu m'thu; wutxhari wako ni wuzivi wako, eso si ku hambukisile, se u ti khawe mbiluni kwako: “Ani ngani, hahanze kwangu, kuwalo mmwani.”

Jeremiya 50:13

Ngu mhaka ya kuhenya ka Mkoma, kha ku na mbi zumba m'thu, ku na maha txiwula, ni mmhi a no pinda ngu Bhabhilona a na xamala ni kuveta mloti, a txi wona tiphango ta kona.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Habhakuki 1:7

Mbathu vo thisa ni kudhukisa; wuhombe ni wulamuli wu na huma kwawe vapune.