Zefaniya 2:13 - Bhiblia Yo Sawuleka

¹³ A na nawuluta dianza dakwe Wuphemba, e fuvisa Asiriya; se a na maha ti to Ninivha e va dirumbi, ditiko do oma nga txiwula.

Zefaniya 2:13 Referans Kwoze

Nahume 3:7

Se ku na maheka taku, votshe vale va no kuwona, va na kututuma, va txi kha vona: Ninivha a hoxotilwe; i mani a no mpfela wusiwana kani? Ni na ya va teka hani vo ta kuthavelela kani?

Nahume 1:1

Kulamulwa ka Ninivha. Dibhuku da txiwoniso txa Nahume, Muelikoxi.

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Nahume 3:15

Eho mndilo wu na kutshokomisa, ditxhari di na kuhetisa; di txi kulovisa nga humbi, anda ku nga humbi, anda ku nga humbi.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Isaya 14:26

Ngu txona txikungo txi txi nga sungwa txitimwi ka otshe mafu, adiya dianza di nga nawulutwa txitimwi ka matiko otshe.

Isaya 37:37

Konako, Senakeribhe, mfumeli wa Asiriya, a to khukha, e ti tsulela, se e tshumela, eya zumba Ninivha.

Jeremiya 49:33

Se Hazori a na va dizumbo da madragoni, ngu kufuviswa ka yotshe mbimo; kha nga ho a no zumba hale, kambe kha ku na mbi maneka mwanana wa m'thu.

Jona 1:2

Khukha, tsula ka Didhoropa da Hombe da Ninivha, u txi ya di kawuka, nguko wubihi wa dona wukwete, uza wuhoka kwangu.

Jona 3:2

Khukha, u tsula ka Didhoropa da Hombe da Ninivha, u txi ya txhumayela mapswi ale ani ni nga kugela.

Zefaniya 1:4

Se ni na nawuluta dianza dangu txitimwi ka Judha, ni txitimwi ka votshe vaaki va Jerusalema; ni na fuvisa ka wukhalo wuwa miboti ya Bhahali, ni matina a vale va thumelako sithombe, ni vaphaxeli;