Zefaniya 2:10 - Bhiblia Yo Sawuleka

¹⁰ Eto ti nava hakhelo ya kutikulisa kwawe, nguko va ruketete ni kutikulisa txitimwi ka vathu va Mkoma wa Mabutho a Tiyimbi.

Zefaniya 2:10 Referans Kwoze

Isaya 16:6

Hi pfite kutikulisa ka Mowabhi, wa ti kulisa ngutu, ni kutitsimba kwakwe ngutu, ni kutikukumukisa kwawe, ni kuhenya kwawe, kutikukumukisa kwawe nga walo.

Jeremiya 48:29

Hi pfite kuwomba ngu mabava a Mowabhi, wa livengo ngutu, wo ti guleta ni kutikulisa, e ti veka txitimwi, ni ku ti gwilikisa ngu mbilu.

Zefaniya 2:8

Ani ni pfite kuruketela ka Mowabhi ni mapswi a nzambwa a vanana va ka Amoni, aale va nga ruketela ngu ona vathu vangu, ve ti bhuma ngu mihingano yawe.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Obhadhiya 1:3

Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Eksodha 9:17

Awe u ngadi u txi ti guleta u txi wukela vathu vangu, u txi lamba ku va leka ve tsula kani?

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Ezekhiyele 25:6

Nguko a womba tiya Mkoma Txizimu: U ti woni ti u nga pekisa tona manza, ni kuginga ngu mikondo, ni ti to u tsakile ngu mbilu, ka wotshe wubihi wako, u txi lwisa ditiko da ka Israyeli,

1 Makronika 16:21

Txizimu kha txa tumela ti to ni wammweyo e va xupha, ngu mhaka yawe, Txizimu txi kawukile vafumeli, txi txi kha txona:

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 48:14

Mi nga wombisa kutxani mi txi khanu: Hi tindena hi ni mtamo wa kulwa kani?

Obhadhiya 1:11

Ka ditshiku dile u nga maneka masoni kwakwe, ka ditshiku dile vamatiko va nga yisa wukhumbini dibutho dakwe, se valala va ti ti wulelela ngu sike sakwe, va ti ti xaxuvela tixolo xungetano ngu Jerusalema, awe upune u ti ti mmweyo wawe.