Zefaniya 2:1 - Bhiblia Yo Sawuleka

¹ Sengeletanani, ina, sengeletanani anu va ditiko da kwa mbi na tingana,

Zefaniya 2:1 Referans Kwoze

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

2 Makronika 20:4

Va ka Judha va to sengeletana kumweko ni otshe madhoropa awe kasi kuve kombela mtamo ka Mkoma.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

Nehemiya 8:1

Se ku di hokile mtxima wa wutxhanu ni yimbidi, vanana va ka Israyeli va di madhoropani kwawe, vathu votshe va to sengeletana ngu mbilu yimweyo, ka mtendela wu ku masoni ka Txike txa Mati; se ve gela mabhalani Ezra, ti to e neha dibhuku da Mlayo wa Mosi, a di Mkoma a nga ti ti leletete Israyeli.

Matewu 18:20

Ina, nguko ahawa va nga tshangana vambidi mwendo vararu, ngu ditina dangu, ani ni ho hagari kwawe.”

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.