Zefaniya 1:9 - Bhiblia Yo Sawuleka

⁹ Ni na tsayisa kambe ka ditshikuedo votshe vale va ndakako mtshunzuti, va tatako tinyumba ta vanyamne vawe ngu so honyola ngu kulwisa ni kukanganyisa.

Zefaniya 1:9 Referans Kwoze

1 Samuwele 5:5

Ngu kumaha keto, hambi vaphaxeli va Dhagoni, hambi ni wammweyo ka votshe vale va wulelako nyumbani ka Dhagoni, kha va kandi mtshunzuti wa Dhagoni, kona Asidhodhe, kala ka ditshiku da nyamsi.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Mithumo 16:19

Aniko vanyamne va khumbi, ngako va txi wona ti to dibhindu di va nga ti themba dona di mwalate, va to ñola Paulo ni Silasi, ve va ruruvisela banzani masoni ka vafumeli;

Mavingu 29:12

Mthangeli wule a engiselako timhaka ta makuhu, a na pimisa taku sotshe sithumi sakwe mbaonhi.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Valamuli 19:27

Se nyamne wakwe a di wukile ni mixo, a txi tula matimba a nyumba, e huma e londeta nzila yakwe, a to wona msikati wakwe wa txikaba a di txotxowolo ha txikeni ka nyumba, manza akwe ma di hamtshunzutini.

Jeremiya 5:27

Nga txikavila txo tala ngu sinyana, ngu toneto ni tinyumba tawe ti tate ngu wuviyaku. Ngu kota ya ku va nga tikulisa ni ku tifumisa,

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Zakariya 5:6

Ani ni to khani: Njitxani txiya kani? Se ngelozi yi to kha yona: Eyo i efa yi humako. Yi to kha yona kambe: Aawa mazumbelo a votshe va ku ha mafuni.