Zefaniya 1:2 - Bhiblia Yo Sawuleka

² Ni na fuvisa sotshe si si kuho ha mafuni, kuwomba Mkoma.

Zefaniya 1:2 Referans Kwoze

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.

Jeremiya 36:29

U na gela Jehoyakimu mfumeli wa ka Judha, u txi: Mkoma a khene: Awe u hisile dibhuku diya, u txi: Ngu kutxani u nga bhala ka dona ti taku mfumeli wa Bhabhilona a nata hasamula ditiko diya, a txi heta vathu ni sihari kani?

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

2 Makronika 36:21

kasiku txi na tatiseka dipswi di Mkoma, a di womba ngu txisofu txa mprofeti Jeremiya, kala ku ditiko di txi titsakela ngu Masabbata a dona; di humula mbimo yotshe, kala mu ka mtxhanu wa magumi ni mambidi wa malembe.

Genesisi 6:7

Se Mkoma a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

2 Makronika 24:24

Hambi ku va Siriya va ngata ni dibutho da vathu vavadotho, Mkoma a to ningela manzani kwawe, dibutho da vathu vavangi, nguko va lekile Mkoma Txizimu txa vatate vawe. Jowasi a to pekwa ngu Txizimu ngu diwoko da Vasiriya.

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.