Zefaniya 1:18 - Bhiblia Yo Sawuleka

¹⁸ Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Zefaniya 1:18 Referans Kwoze

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Ezekhiyele 7:19

Silivhela yawe va na tshotshela tinzilani, ni nzalama yawe yi na nga nzambwa; hambi silivhela yawe mwendo nzalama yawe, kha si na mbi sikota ku va hulukisa ka ditshiku da kuhenya ka Mkoma; sona kha si na mbi khurisa mimoya yawe, hambi kukhurisa mirumbu yawe, nguko ngu sona si nga va humba ve wa kubihani.

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Genesisi 6:7

Se Mkoma a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Zefaniya 1:15

Ditshiku dileya, ditshiku da txiviti, ditshiku da kupandiseka ni kuvilela, ditshiku da kukhundumusela ni kufuvisa, ditshiku da kuphuma ni txidema, ditshiku da marefu ni txidema txa hombe,

Zefaniya 1:11

Pekani huwa anu vaaki va Makitesi, nguko votshe vathu Vakanana va gumile, votshe vanyatimale va hoxotilwe.

Ezekhiyele 16:38

Ni na ku lamulisa ti va lamuliswako tona va wugango, ni vale va theketako mnoha; ni na gwitisa ku kudaya ngu kuhenya ni txiluse.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

1 Vafumeli 14:22

Se Judha a to maha wubihi masoni ka Mkoma; va to m'henyisa ngutu, kupinda tile va nga mahisa tona vatate vawe, ngu sionho si va nga si maha.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Mavingu 18:11

Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.

Masalmo 79:5

Mkoma, u na hi henyela kala mbimo muni kani? Txiluse txako txi na fana ni mndilo wo tura kani?

Jobe 21:30

Taku wo biha a xayiselwa ditshiku da kuhasamulwa, ni kuguletwa ngu ditshiku da txiviti kani?

1 Vakorinto 10:22

Hi lava kuhenyisa Mkoma, kani? Ina hi ni mtamo kupala ene, kani?

Jeremiya 7:34

Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Ezekhiyele 7:5

Mkoma a womba tiya: Dikhombo dimwedo, data dikhombo dimwedo.

Ezekhiyele 7:11

Kulwisa ku gulekile kumaha ndonga ya kwa mbi na wumbilu; kha ku na mbi sala txilo kwawe, hambi ka kutala kwawe, mwendo dirumbi dawe, kambe kha ku na mbi va ni ku dilwa kwawe.

Ezekhiyele 23:25

Se ni na veka kwako kuhiseka kwangu, se va na kuhenyela; va na kuthavisa thonvu ni tinzeve, kambe a txi txi no sala kwako, txi na wiswa ngu ditxhari; va na kutekela vanana vako va majaha ni vamahorana, se asi si no gwitisa kusala kwako, si na tshokomiswa ngu mndilo.

Zefaniya 2:2

kusanzi kuhuma txileleto, aha ditshiku di no pindisa ku nga mwasi; kusanzi kuta txitimwi kwanu kuhenya ka Mkoma; ina, di sanzi kuta txitimwi kwanu ditshiku da kuhenya ka Mkoma.

Jobe 3:15

mwendo ni vathangeli vale va nga ti ti ni nzalama, va nga ti ti hiketa tinyumba tawe ngu silivhela.

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.