Zefaniya 1:15 - Bhiblia Yo Sawuleka

¹⁵ Ditshiku dileya, ditshiku da txiviti, ditshiku da kupandiseka ni kuvilela, ditshiku da kukhundumusela ni kufuvisa, ditshiku da kuphuma ni txidema, ditshiku da marefu ni txidema txa hombe,

Zefaniya 1:15 Referans Kwoze

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Isaya 22:5

Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Mtuletelo 6:17

nguko di hokile ditshiku da hombe da kuhenya kwawe, se i mani a no sikota kuema, kani?

2 Pedro 3:7

Kasi nzuma ni mafu sa konakuwa, si veketilwe ngu dona Dipswi, si txi rinzela mndilo, si txi rinzela ditshiku do lamulwa ni da kuloviswa ka vathu va va si khataliko ngu Txizimu.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Zefaniya 2:2

kusanzi kuhuma txileleto, aha ditshiku di no pindisa ku nga mwasi; kusanzi kuta txitimwi kwanu kuhenya ka Mkoma; ina, di sanzi kuta txitimwi kwanu ditshiku da kuhenya ka Mkoma.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Dhewuteronome 28:52

Wona wu na kurandela amu ka madhoropa ako otshe, kala kuza ma txi khundumuka maguma o demba a madhoropa ako otshe o tsana, aawa u nga ti ma themba amu ka dotshe ditiko dako, wu na kurandela ka otshe madhoropa ako, amu ka dotshe ditiko dile Mkoma, Txizimu txako, a ku ningako.

Isaya 8:22

Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Isaya 13:9

Wonani, ditshiku da Mkoma data, do dhukisa, da tshofu, ni kuhenya ko tura, kasi kuhaxula ditiko, ni kulovisa vaonhi va dona.