Zefaniya 1:14 - Bhiblia Yo Sawuleka

¹⁴ Ditshiku da hombe da Mkoma di hafuhi, di hafuhi, kambe da kuluveta ngutu dipswi da ditshiku da Mkoma; wamwamna wa mtamo ngutu, a na peka nyandayeyo.

Zefaniya 1:14 Referans Kwoze

Malakiya 4:5

Wonani taku ani ni na mi rumela Mprofeti Elija, na ku si se hoka ditshiku da hombe do thisa da Mkoma.

Ezekhiyele 30:3

Nguko di hafuhi ditshiku da Mkoma, ditshiku da marefu; i nava ditshiku da vamatiko.

Zefaniya 1:7

Malala masoni ka Mkoma Txizimu, nguko ditshiku da Mkoma di hafuhi, Mkoma a lulamisile mphaxo ni kusawulekisa vale a nga va ramba.

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

Ezekhiyele 7:12

Yata mbimo, da hoka ditshiku; wule a xavako a nga tsake, ni wule a xavisako a nga henye; nguko txiviti txa tura txitimwi ka mtalo wawe.

Isaya 33:7

Wonani, tindena takwe ta dhana ngu kule, se mitumi ya kudikha ya dila ngutu.

Isaya 15:4

Ngu kumaha keto, Hesibhoni ni Eleyale va keta; mapswi awe ma pfala kala Jahaza; ngu toneto, ava va nga xoma va Mowabhi vadila; muhefemulo wakwe wa dhudhumela mndani kwawe.

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Mithumo 2:20

Ditambo di na hinduka di maha txidema, mtxima wu na hinduka wu maha mnoha di sinzi kuhoka ditshiku da Mkoma, ditshiku da hombe do tala ngu wudhumo.

Joyeli 1:15

Yowe! Ditshiku dile! Nguko ditshiku da Mkoma di hafuhi, di nata kufana ni kufuvisa ka wu wa Mtamo-wotshe.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Amosi 8:2

Se Mkoma a to khene: U wona txani awe Amosi kani? Se ani ni txi khani: I thavangu ya mihando ya malanga. Sekoko, Mkoma a to nigela, a txi khene: Kuhokile magwito ka vathu vangu va ka Israyeli: Kukhukhela kuwa kala kupinduka, na mbi ngadi ni pinda ngu kwawe.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Zefaniya 1:10

Se ka edo ditshiku, kuwomba Mkoma, ku na pfala huwa kukhukhela ka Txike txa Sihaka; ni xomulo kukhukhela ka didhawa da diphya, ni huwa ya hombe, kukhukhela mimangoni.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Joyeli 2:1

Vetani mpundu aniya Siyoni mi dila ngu dipswi do guleka mmangoni kwangu ko sawuleka; va na dhudhumele votshe vaaki va ha mafuni, nguko ditshiku da Mkoma data, di hafuhi;

Ezekhiyele 12:23

Sekoko va gele ku khawe: Mkoma Txizimu a khene: Ni na fuvisa mawombelo awa, kha ma na mbi va mavingu kambe ka Israyeli; aniko va gele ku khawe: Ma hokile masiku ni dipswi da sotshe siwoniso.

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Jeremiya 25:36

Hi nga pfani kudila ka vadyisi, ni tihuwa ta kudila ka vahombe va mtxhambi! Nguko Mkoma wa vhinganyisela wudyiselo wawe.

Isaya 66:6

Dispwi da kudhinda ka hombe di nata ngu didhoropani, dipswi da dithepele, dipswi da Mkoma, di ningako hakhelo ka valala vakwe.

Vahebheru 12:26

Ene wu dipswi dakwe di nga zinginisa mafu, konkuwa a huwelela a txi khene: “Ni na tshumela ni txi zinginisa kambe, i si nga mafu dwe, aniko ni yona nzuma na yi zinginisa.”

Vafilipiya 4:5

Wunene wanu wu na ziwe ngu votshe vathu. Mkoma a hafuhi!

Isaya 8:22

Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Ezekhiyele 7:16

Kambe ku no huluka vonevo va no huluka, aniko va na va mimangoni, nga situvani sa mikovani, va txi dila, mmweyo ni mmweyo ngu mhaka ya wubihi wakwe.

Joyeli 3:14

Mabutho, ni mabutho, mkovani ko Tsanisa! Nguko ditshiku da Mkoma di hafuhi, mkovani ko Tsanisa.

Jeremiya 46:5

“Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.