Zefaniya 1:13 - Bhiblia Yo Sawuleka

¹³ Ngu toneto, yi na handwa thomba yawe, ni kuxaselwa tinyumbani kwawe; kambe va na aka tinyumba, aniko kha va na mbi zumba ka tona, va na phaya mivhinya, aniko kha na mbi yi sela vhinya ya kona.

Zefaniya 1:13 Referans Kwoze

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Mika 6:15

Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Dhewuteronome 28:30

U na wuta msikati aniko mmwani wamwamna a na otela nayo, u na aka nyumba kambe khu na mbi zumba ka yona; u na dima u txi phaya mivhinya, aniko khu na mbi dya mihando ya kona.

Ezekhiyele 7:21

Se si na ningelwa manzani ka vamatiko si txi va lumba, ni ka vaonhi va ditiko va txi si handa; kambe va na si nyenyezisa.

Jeremiya 15:13

Ni na ningela thundu yako ni tithomba tako ti taku si txi handwa, na ti sa xavwa, ngu mhaka ya sionho sotshe sako ka dotshe ditiko dako.

Jeremiya 9:19

Nguko dipswi da txidilo di pfate ngu Siyoni, di txi kha dona: Yowe! Kuloviswa kwathu! Hi ta so mba tingana, nguko hi lekile ditiko, se vona va hasamute tinyumba tathu.

Dhewuteronome 28:39

U na dima u txi phaya mivhinya, u txi yi sakulela, aniko khu na mbi sela vhinya ya kona, hambi kuhapha mauvha a kona, nguko mpungu wu na ma pukutela.

Zefaniya 1:9

Ni na tsayisa kambe ka ditshikuedo votshe vale va ndakako mtshunzuti, va tatako tinyumba ta vanyamne vawe ngu so honyola ngu kulwisa ni kukanganyisa.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Ezekhiyele 22:31

Ngu kumaha keto, ni tshakunutile kuhenya kwangu; ni va tshokomisile ngu mndilo wa kuhenya kwangu; ni maha ti to nzila yawe yi txi wa txitimwi ka misungo yawe, kuwomba Mkoma Txizimu.

Ezekhiyele 7:19

Silivhela yawe va na tshotshela tinzilani, ni nzalama yawe yi na nga nzambwa; hambi silivhela yawe mwendo nzalama yawe, kha si na mbi sikota ku va hulukisa ka ditshiku da kuhenya ka Mkoma; sona kha si na mbi khurisa mimoya yawe, hambi kukhurisa mirumbu yawe, nguko ngu sona si nga va humba ve wa kubihani.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Dhewuteronome 28:51

Wona wu na dya marole a sifuyo sako, ni mihando ya mafu ako, hambi mtona, hambi marole a tihomu tako, ni sinvutana sa tinvuta tako, kala kuza u txi lova.

Jeremiya 17:3

O mmango wangu amuwa thembweni. Ni na ningela thundu yako ni tithomba tako kuva ti txi handwa, kumweko ni makhalo ako o guleka, ngu mhaka ya sionho si u nga si maha mu ka ditiko dako dotshe.

Sidilo 5:2

Thomba yathu yi ningetwe ka vamatiko, miti yathu yi tekilwe ngu vanyamthuyoyo.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.