Zefaniya 1:12 - Bhiblia Yo Sawuleka

¹² Se ku na maheka taku, ka yona yile mbimo, ni woningeta Jerusalema ngu malambu, ni tsayisa vavamna vale va khalahatshako txitimwi ka nzambwa yawe, va kukhona ngu mbiluni kwawe: Mkoma kha mahi ta tinene, kambe kha mahi to biha.

Zefaniya 1:12 Referans Kwoze

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

Jeremiya 48:11

Mowabhi a ti ti zumba kuthuthani kukhukhela ha wuphyani kwakwe, a zumbile tithombani kwakwe; kha nga thaviswa ka txiya a txi vekwa ka tximwani, kambe kha tsuliswa wukhumbini; ngu mhaka yeto a xayisile wunene wakwe, ni kubhumula kwakwe kha nga txitxa.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Masalmo 94:7

Vona va kha vona: “Mkoma kha hi woni; Txizimu txa Israyeli kha txi khatali ngu tona!”

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

2 Pedro 3:4

Vona va na kha vona: “Ti gwitisile kutxani ta wule ku nga thembiswa ti to wata kani? Nguko, kukhukhela vatate vathu ve fa, ti ngadi zumbisile tona ti i nga ti tona kukhatani ka mtumbuluko wa ditiko.”

Obhadhiya 1:6

Eto ti nga teketeliswa tona tithomba ta Esawu! Eto ma nga tumbuliswa tona makhalo akwe o sisala ka ona!

Jeremiya 10:5

Sifananiso sa ku nga phande thembweni ka mikhokho, si ema kona aniko kha si wombawombi; sona si lava kupakatwa, nguko kha si sikoti kutsimbila. Mi nga si thaveni, nguko kha si zivi kumaha kubiha, hambi kuva ni mtamo wo maha tinene.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Masalmo 14:1

Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

Jobe 21:15

I mani wa Mtamo-wotshe, wa ku na za hi mthumela athu kani? Niku ti na hi vhuna txani kumaha mikombelo kwakwe kani?

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.