Zefaniya 1:10 - Bhiblia Yo Sawuleka

¹⁰ Se ka edo ditshiku, kuwomba Mkoma, ku na pfala huwa kukhukhela ka Txike txa Sihaka; ni xomulo kukhukhela ka didhawa da diphya, ni huwa ya hombe, kukhukhela mimangoni.

Zefaniya 1:10 Referans Kwoze

2 Makronika 33:14

Se msana keto, a to aka diguma ngu hahanze ka Didhoropa da Dhavhidha, ngu didhawa da wulambwe ka Giyoni, mkovani, ngu ha txikeni ka Ditimba da Txihaka, a txi renzeleka kala Ofeli, e di laphisa ngutu ta tinene; kambe e veka vathangeli va mtamo ka otshe madhoropa a hombe a Judha.

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

2 Vafumeli 22:14

Sekoko mphaxeli Hilikiya, ni Ahikamu, ni Akibhori, ni Safani, ni Asaya, va to tsula ka mprofeti wa txisikati Hulidha, msikati wa Salumi, mwana Tikivha, wa mwana Harasi, muwoneleli wa syambalo (a nga txi zumba ka didhawa da wumbidi da Jerusalema) veya mtxhamusela.

Nehemiya 3:3

Se Txike txa Sihaka txi akilwe ngu vanana va Hasenaha, ve kelela tiphande ta kona, ve vekela matimba a kona, ni sikhiyelo sa kona ni sikhweketo sa kona, ni matimba a kona a tisimbi.

Zefaniya 1:15

Ditshiku dileya, ditshiku da txiviti, ditshiku da kupandiseka ni kuvilela, ditshiku da kukhundumusela ni kufuvisa, ditshiku da kuphuma ni txidema, ditshiku da marefu ni txidema txa hombe,

Zefaniya 1:7

Malala masoni ka Mkoma Txizimu, nguko ditshiku da Mkoma di hafuhi, Mkoma a lulamisile mphaxo ni kusawulekisa vale a nga va ramba.

Jeremiya 39:2

Se ngu dilembe da wugumi ni dimwedo da Zedhekiya, ka mtxima wa wumune, ka ditshiku da wutxhanu ni mune, didhoropa di to botetwa;

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Isaya 59:11

Athu hotshethu ha bhonga ku nga singwingwi kambe hi simama hi dilisa ku nga situvani; hi verela kulamulwa, aniko kha ku humeleli; hi verela kuhanyiswa aniko ku kule ni nathu.

2 Makronika 32:22

Sekoko Mkoma a to hulukisa Ezekhiya ni vahanyi va Jerusalema manzani ka Senakeribhe, mfumeli wa Asiriya, ni manzani ka votshe; E tsimbilisa vathu vakwe ka otshe madhawa.

2 Makronika 3:1

Solomoni a to khata kuaka Nyumba ya Mkoma kona Jerusalema, ka mmango wa Moriya, ka wukhalo awu Dhavhidha tate wakwe, a nga ti wusawute ani Orinani, nguko ngu hawa Mkoma a nga ti wonekisa kona ka Dhavhidha.

2 Samuwele 5:9

Ngu kumaha keto, Dhavhidha a to zumba mkhokholani, e wu dhana ku Didhoropa da Dhavhidha; a to aka madhawani, kukhukhela Milo kala mndani ka dona.

2 Samuwele 5:7

Kambe Dhavhidha a to teka mkhokhola wa Siyoni; i ku Didhoropa da Dhavhidha.

2 Makronika 34:22

Sekoko Hilikiya ni ava mfumeli a nga va ruma nayo, vatoya ka Hulidha, mprofeti wa txisikati, msikati wa Salumi, mwana Tokati, mwana Hasira muwoneleli wa syambalo a nga ti akile Jerusalema ve womba-womba nayo ngu mhaka ya dibhuku.

Nehemiya 12:39

se kukhukhela ka Txike txa Efrayime, ni kukhukhela ka Txike txa Kale, ni kukhukhela ka Txike txa Sihaka, ni ka Txitezi txa Hananeli, ni ka Txitezi txa Meya, an'ze ka Txike txa Sifuyo; se va to ya ema ka Txike txa Mkorani.

Ezekhiyele 6:13

Sekoko mi na tiziva taku ani ngani Mkoma, mbimo yile sirumbi sawe si no maneka hagari ka sithombe sawe, madhawani ka siluvelo sawe, ni ka sotshe simangwana so guleka, kotshe titshokani ka mimango, ni hahatshi ka yotshe mindonga yo nakana, ni hahatshi ka mikusu, ka wukhalo wule va nga ti ti ningela mafura o bhumula, ka sotshe sithombe sawe.