Zakariya 9:9 - Bhiblia Yo Sawuleka

⁹ Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Zakariya 9:9 Referans Kwoze

Zakariya 2:10

Tsaka, u tsakisisa, awe dihorana da Siyoni, nguko wona taku nata, ni nata aka hagari kwako. Kuwomba Mkoma.

Marku 11:7

Sekoko, va to neha tximbongolana ka Jesu; ve kapekela tinguwo tawe txitimwi ka txona, se Jesu e txi gadha.

Isaya 43:11

Ani, ani ngani Mkoma, se hahanze kwangu, kha ku nga ni M'hanyisi.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Jeremiya 30:9

Aniko va na thumela Mkoma, Txizimu txawe, ni Dhavhidha mfumeli wawe, awu ni no va wusela ene.

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Masalmo 45:1

Mbilu yangu yi tate ngu mapswi o tshura ngutu; ni na thula ndando yangu ya ku embeleta mfumeli wa ditiko! Lidimi langu i peniselo ya m'bhali wo txhariha.

Johani 19:15

Kambe vona va to khata kukwangula, va txi kha vona: “A na fe! A na fe! Mu bethele ha txihambanoni!” Konaho Pilato a to khene: “Ni na bethela ha txihambanoni mfumeli wanu kani?” Aniko vaphaxeli va hombe va to xamula, va txi kha vona: “Athu kha hi nga ni mmwani mfumeli, hahanze ka Khezari.”

Matewu 2:2

ti txi kha tona: “Ahani mfumeli wa Vajudha awu a nga velekwa, kani? Nguko hi woni nyeleti yakwe wutxani, se hi tile ku ta mu khozela.”

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Valamuli 10:4

Kambe a ti ti ni magumi mararu a vanana, avale va nga txi gadha timbongola ta magumi mararu; se va ti ti ni magumi mararu a madhoropa, aale ma dhanwako ku i Havhote-Jayiri, kala ka ditshiku da nyamsi; aale ma ku ditikoni ka Gileyadhi.

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

1 Vafumeli 1:38

Sekoko Zadhoki, mphaxeli, a to relela, ni Nathani, mprofeti, ni Bhenaya, mwana Joyadha, ni Vakereti, ni Vapeleti, va to gadhisa Solomoni ha ka dimula da mfumeli Dhavhidha, ve m'heleketa Giyoni.

Isaya 52:7

Hi nga kutshura ka yona txitimwi ka mimango mikondo ya wu a zivisako mahungu amanene, a wu a huwelelako kudikha, a zivisako wunene, a pfalisako kuhanyisa, a ku khene ka Siyoni: “Txizimu txako txa fuma.”

Ezekhiyele 21:32

U na va kudya ka mndilo, mnoha wako wu na va hagari ka mafu, khu na mbi alakanywa kambe; nguko ani Mkoma ni wombile.

Mika 4:8

Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.