Zakariya 9:8 - Bhiblia Yo Sawuleka

⁸ Se ani ni na riyela mabutho akwe, madhawani ka nyumba yangu, kasi ku si pindi ni wammweyo, ni ti to ku si tshumeli ni wammweyo; a ti to ku sisuri kupinda mlala ni wammweyo, nguko konkuwa ni ti woni.

Zakariya 9:8 Referans Kwoze

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Amosi 9:15

Na va simeka ditikoni kwawe, kha va na mbi thaviswa kambe ka ditiko di ni nga va ninga, kuwomba Mkoma, Txizimu txako.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Isaya 52:12

Nguko kha mi na mbi huma ngu kukuluveta, hambi kutsula ngu kututuma, nguko Mkoma a na thangela masoni kwanu, se Txizimu txa Israyeli, txi na mi londeta ngu msana.

Isaya 31:5

Kufana ni sinyana si purumako, ngu toneto, Mkoma wa Mabutho a Tiyimbi, a na xayisa didhoropa da Jerusalema; a na di vhikela ni ku di hulukisa, kambe a na di hanyisa.

Masalmo 72:4

Mfumeli a na vhikele sisiwana sa ditiko; e vhuna sisiwana ni kuganyatela vaxanisi!

Masalmo 34:7

Ngelozi ya Mkoma ya vhikela avale va mthavako yi va hulusa ka tiphango.

2 Samuwele 16:12

Mkoma a na wona kuxaniseka kwangu, se e ni ninga kuthutha ngu mhaka ya kuruketela kwakwe ka nyamsi.

Eksodha 3:9

Konkuwa, huwa ya vanana va ka Israyeli yi hokile kwangu, se kambe ni wona sixaniso si Vaegipta va va xuphako ngu sona.

Mtuletelo 20:9

Va to huma ve hangalaka ni dotshe ditiko ve randela midhuti ya vasawuleki ni didhoropa do randeka; kambe ku to txhika mndilo ngu nzumani wu txi ta va heta.

Mithumo 7:34

Ni woni kuxaniseka ka vathu vangu Egipta, ni kuketa kwawe ni ku pfite, se ni txhikile ku tela ku ta va hulukisa, se konkuwa ngono ni ta kuruma Egipta.’ ”

Zakariya 14:11

Se va na zumba ka dona, kambe kha ku na mbiswa ku di ni wo rukwa, nguko Jerusalema a na zumba ngu kudikha.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Jeremiya 46:13

Dipswi di Mkoma a ngadi womba ka Jeremiya, mprofeti, madingano ni kuta ka Nebhukodhonosori, mfumeli wa Bhabhilona, ku ta xasela ditiko da Egipta.

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

Isaya 26:1

Ka ditshiku dile, ku na embelelwa ndando ditikoni ka Judha: Hi ni didhoropa do tsana, adi Txizimu txi nga veka ka dona kuhuluka ngu maguma ni tibhingo.

Isaya 4:5

Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa.

2 Vafumeli 24:1

Ka masiku a Jehoyakimi, ku to humelela Nabhukodhonozori, mfumeli wa Bhabhilona, e xoma yimbi yo wukela Jehoyakimu e mmaha khumbi yakwe mndani ka malembe mararu; msana keto a to phemberuka e m'wukela.

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Zakariya 9:7

Se txisofuni kwawe ni na thavisa mnoha wakwe, ni thavisa txinyenyeko txawe makwasani kwawe; kambe nene a na sala nga m'boti ka Txizimu txathu; a na fana ni mthangeli aniya Judha, ni Ekroni a na nga M'jebhusi.

2 Vafumeli 19:34

Nguko ani ni na emela didhoropa diya, ku na di hulukisa, ngu kuranda kwangu ni kuranda txithumi txangu Dhavhidha.

Mavingu 3:25

U nga thave tiphango ti titako ngu txidhukisa, hambi kuxaselwa ka vaonhi kutxita.

Zakariya 12:4

Ka ditshiku donedo, kuwomba Mkoma, ni na dhukisa otshe mahantxhi, ni kuxangisa vagadhi va ona; se maso angu ma na wonetela txitimwi ka nyumba ya ka Judha, kambe ni na maha ti to otshe mahantxhi a matiko a kona meva mabhofu.