Zakariya 9:5 - Bhiblia Yo Sawuleka

⁵ Asikeloni a na mu wona e thava, nene Gaza e thava, se e pandiseka ngutu, ngu toneto nene Ekroni, nguko kuverela kwakwe ku na kanganyiswa; se mfumeli wa Gaza a na lova, kambe Asikeloni a na maha dirumbi.

Zakariya 9:5 Referans Kwoze

Mithumo 8:26

Ngelozi ya Mkoma yi to gela Filipi yi txi kha yona: “Khukha u txi ya ka didhawa da wulambwe, ka nzila yi yi kwitimako, kukhukhela Jerusalema yi ya Gaza, nzila ya kona i ku ya txiwulani.”

Jeremiya 47:1

Dipswi da Mkoma di nga ta ka mprofeti Jeremiya, do wukela Vafilista, Faro a sanzi kupeka Gaza.

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Joyeli 3:4

Kambe mi ni mhaka muni ni nani awe Tiro ni Sidhoni, ni otshe madhawa a Fenikiya kani? Ngu yona hakhelo yi mi ni ningako kani? Nguko mi txi ni hakelisa tiya, ngu txikuluveta, ni na tisa hakhelo txitimwi ka misungo yanu.

Amosi 1:8

Kambe ni na heta va va zumbako Asidhodhe, ni wule a ku ni ndonga ya Asikaloni, se ni tshumeta dianza dangu di txi ya ka Ekroni; se Vafilista va va no sala va na lova, kuwomba Mkoma Txizimu.

Zakariya 9:4

Wonani ti to Mkoma a na mxasela, ni kutshotsha mtamo wakwe lineneni, se ene a na loviswa ngu mndilo.

Zakariya 9:6

Se muwuyi a na zumba kona Asidhodhe. Kambe ni na lovisa kutikulisa ka Vafilista.

Isaya 14:28

Mahungu awa ma zivisilwe ngu dilembe dile mfumeli Akazi a nga fa ngu dona.

Amosi 1:6

Mkoma a womba tiya: Ngu kuhambunyeta kuraru ka Gaza ni ka wumune, kha ni na mbi thavisa txitsayiso, nguko va yisile wukhumbini totshe tikhumbi, ve ti ningela ka Edhomi.