Zakariya 9:4 - Bhiblia Yo Sawuleka

⁴ Wonani ti to Mkoma a na mxasela, ni kutshotsha mtamo wakwe lineneni, se ene a na loviswa ngu mndilo.

Zakariya 9:4 Referans Kwoze

Ezekhiyele 28:18

Ngu mhaka ya kutala ka wubihi wako, ni wukwewu wako wo dyelela u nyenyezisile tinyumba tako to sawuleka: Ani koko ni humisile mndilo ngu hagari kwako wu txi kutshokomisa, kambe ni kumahile dikhuma txitimwi ka mafu, masoni ka votshe vale va kuwonako.

Ezekhiyele 26:17

Se va na kudila va txi kha vona: Eto u nga lovisa tona awe didhoropa do akwa kwati do tshura. Awe u ngadi mtamo lineneni; awe ni vaaki vako, mi nga dhukisa votshe vale va nga kuendela!

Amosi 1:10

Ngu toneto, ni na veka mndilo ka diguma da Tiro, se wu na tshokomisa tinyumba tawe ta wukoma.

Joyeli 3:8

Kambe ni na xavisa vanana vanu va mazambi ni vamahorana ngu manza a vanana va ka Judha, va no ya va xavisela ka va Sebha, ditiko da kwa mbi alakaywa, nguko Mkoma a wombile.

Ezekhiyele 28:16

Ngu kutala ka wukwewu wako, mndani kwako ku to tala ngu timboyinga, se u txi onha; ngu kumaha keto ni na kutshotsha u dinyenyezile hahanze ka mmango wa Txizimu; kambe ni na kulovisa, awe dikerubhima do vhikela, hagari ka marigwi o phatimisa ku nga mndilo.

Ezekhiyele 28:8

Va na kureleta diphalani, u na fa ngu felo ya vale va dawako hagari ka tinene.

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Mavingu 10:2

Sisangala sa wubihi kha si vhuni txilo; aniko kululama ka txhatxhisa kufani.

Isaya 23:11

A nawulutile dianza txitimwi ka linene, kambe a vhinganyisile mifumo; Mkoma a rumile kuwukela Kanana, ati to ku txi khundumuswa mikhokhola yakwe.

Zakariya 9:5

Asikeloni a na mu wona e thava, nene Gaza e thava, se e pandiseka ngutu, ngu toneto nene Ekroni, nguko kuverela kwakwe ku na kanganyiswa; se mfumeli wa Gaza a na lova, kambe Asikeloni a na maha dirumbi.