Zakariya 9:3 - Bhiblia Yo Sawuleka

³ Se Tiro a ti akete mikhokhola ni kusengeleta silivhela ku nga lithulu, ni nzalama yo hehuka ku nga lidhaka la hanzila.

Zakariya 9:3 Referans Kwoze

Ezekhiyele 27:33

Mbimo yile simaha sako si nga ti ti tsuliswa ngu tineneni, u khurisile vathu votala; ngu kutala ka tithomba tako ni mabhindu ako, u humelelisile vafumeli va ha mafuni.

Jobe 27:16

Ngako ku txi sengeletwa silivhela nga lithulu, ni kuveketela syambalo kufana ni ndope,

2 Samuwele 24:7

Se va to ya mkhokholani ka Tiro, ni ka otshe madhoropa a Vahevhi ni a Vakanana, ve huma ngu didhawa da wulambwe ka Judha, veya Bherisebha.

Joxuwa 19:29

Muhingano wuwa wu ti ti tshumela wuya Rama, kala ka didhoropa do tsana da Tiro; sekoko muhingano wuwa wu ti ti tshumela wuya Hosa, wu txi ya humela lineneni, kukhukhela ka txyavelo txatxidotho ya mafu, kala Akizibhe,

Isaya 23:8

I mani a nga lulamisa txikungo txo wukela Tiro, didhoropa da mibhoti, adi vaaki va dona i ku vathangeli, ni vanyamabhindu va dona i ku vo dhundeka ha mafuni kani?

Jobe 22:24

Sekoko u na sengeletela nzalama kufana ni lithulu, ni nzalama ya Ofiri, ku nga marigwi a sinambwanani.

1 Vafumeli 10:27

Se mfumeli a to maha ti to Jerusalema kumaneka silivhela ku nga marigwi ni mikedhari o tala ngutu, nga miphayi ya txitinga yi manekako tibalani.

1 Vafumeli 10:21

Kambe otshe magombe ale a nga ti sela ngu ona mfumeli Solomoni, i ti a nzalama, ni sotshe siya sa nyumba ya txitinga txa Libhanoni, i ti sa nzalama ya yinene; ka yona ku si nga ni silivhela, nguko ka masiku a Solomomi, yi si nga ni kudhundeka ni kakumweko.

Isaya 23:11

A nawulutile dianza txitimwi ka linene, kambe a vhinganyisile mifumo; Mkoma a rumile kuwukela Kanana, ati to ku txi khundumuswa mikhokhola yakwe.

Ezekhiyele 26:12

Se va na pa tithomba tako, va txi handa siya sako, ve khundumusela maguma ako, ni kukhundumusela tinyumba tako ta lisima; ni marigwi ako, ni mapulango ako, se lithulu lako va na li xwaya hagari ka mati.

Ezekhiyele 27:34

Ka mbimo yile u nga phatulelwa tineneni, hahatshi ngutu ka mati, ma wite mabhindu ako ni msengeletano wotshe hagari kwako.

Jobe 3:15

mwendo ni vathangeli vale va nga ti ti ni nzalama, va nga ti ti hiketa tinyumba tawe ngu silivhela.

Ezekhiyele 27:27

Tithomba tako, makhalo ako, dibhindu dako, vatsimbitisi vako, ni varumi va kona, avale vo lemetela tifa, ni vamahi va mabhindu ako, ni otshe masotxhwa ako, ale ma ku kwako, ni wotshe msengeletano wako, wu ku hagari kwako, va na bhwabhwamela lineneni ngu ditshiku da kuwa kwako.

Ezekhiyele 28:1

Se di tile kwangu dipswi da Mkoma, di txi ta kha dona:

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.