Zakariya 9:2 - Bhiblia Yo Sawuleka

² Se hambi ka didhoropa da Hamati ku nava ni mihingano, kumweko ni Tiro ni Sidhoni, hambi va txo va ni wutxhari wa hombe.

Zakariya 9:2 Referans Kwoze

Ezekhiyele 28:12

Awe mwanana wa m'thu, wusa txidilo txitimwi ka mfumeli wa Tiro, u txi m'gela ku khawe: Mkoma Txizimu a khene: Awe mfumeli u lipimo lo hetiseka, wo tala ngu wutxhari ni kutshura ko hetiseka.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.

Obhadhiya 1:20

Se tikhumbi ta dibutho da vanana va ka Israyeli, ti ku hagari ka Vakanana, ti na teka kala Zarefati; tikhumbi ta Jerusalema ati ti ku Sefaradhi, ti na teka madhoropa a Wulambwe.

Amosi 6:14

Nguko wonani taku ni na wusa vathu hagari kwanu, anu va nyumba ya ka Israyeli, kuwomba Mkoma, Txizimu txa Mabutho a Tiyimbi, ava va no mi khozisa, kukhukhela txidingeni ka Hamati, kala ka txinambwana txa libalani.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

2 Vafumeli 23:33

Sekoko Faro-Neko a to rumisa kuya mñola aniya Ribhila, ditikoni ka Hamati, kasi ku asi fumi Jerusalema; se a to dihisa ditiko da ka Judha dizana da titalenta ta silivhelam ni talenta yimweyo ya nzalama.

1 Vafumeli 17:9

Khukha u tsula Sarepita, ku manekako Sidhoni, u txi ya zumba kona; wona to ani ni rumile wamsikati wa noni, a ti to e kudyisa.

Mitengo 13:21

Ngu tona eto, va to kwela kasi kuya xola ditiko, ve khatela txiwulani ka Zimi, veza ve hoka Rohobhi, ngu nzila yi yiyako Hamati.

Jeremiya 25:22

ni votshe vafumeli va Tiro ni Sidhoni, ni vafumeli va sitondolo, si ku mtxhatuko ka linene;

Jeremiya 47:4

ngu mhaka ya Ditshiku dile di tako da kuxaselwa ka Vafilista, ku ta wila ka Tiro ni Sidhoni, votshe vale va nga ti salela ku va vhikelwa; nguko Mkoma a na hasamula Vafilista vale va nga sala txitondoloni ka Kafitori.

Ezekhiyele 47:16

Hamati, Bherota, Sibrayimi (di ku hagari ka m'hingano wa Dhamasku, ni m'hingano wa Hamati), ni didhoropa da Hazeri-Hatikomi (di ku hafuhi ni muhingano wa Hawurami.)

Ezekhiyele 27:1

Se di tile kwangu dipswi da Mkoma, di txi ta kha dona:

Ezekhiyele 28:1

Se di tile kwangu dipswi da Mkoma, di txi ta kha dona:

Amosi 1:3

Mkoma a womba tiya: Ngu kuhambunyeta kuraru ka Dhamasku ni ka wumune, kha ni na mbi thavisa txitsayiso, nguko va xanisile Gileyadhi ngu mikondo ya tisimbi to thola.