Zakariya 9:12 - Bhiblia Yo Sawuleka

¹² Tshumelani miya mkhokholani, anu tikhumbi ta txithembo; kambe nyamsi, na mi zivisa taku ni na mi tshumetela kumbidi.

Zakariya 9:12 Referans Kwoze

Jobe 42:10

Msana ka kuva Jobe a ti kombelete vangana vakwe vavararu; Mkoma a to engetela so tala, kambidi ka sotshe sile Jobe a nga ti ti naso ngu kale.

Isaya 61:7

Ngu mhaka ya tingana tanu to wuyetwa kumbidi ni kuxaniseka kwanu, va na tsaka ngu txyavelo txawe; ngu kumaha keto, ditikoni kwawe, va na mana ngu kuwuyetwa kumbidi, kambe va na va ni kutsaka ko mbi guma.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Jeremiya 51:10

Mkoma a wonekisile ha kubasani wululami wathu kwathu, ngonani hi ta xawutela ka Siyoni, mthumo wa Mkoma, Txizimu txathu.

Jeremiya 31:17

Kuthemba kuho kwako ngu mbimo yi yitako, ka liveleko lako, kuwomba Mkoma, nguko vanana vako va na wuyela ditikoni kwawe.

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Hoseya 2:15

“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.”

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Ezekhiyele 37:11

Sekoko a to khene kwangu: Awe mwanana wa m'thu, marambu awa otshe, i nyumba ya ka Israyeli; wona taku va kha vona: Marambu athu ma omile, ni yona themba yathu yi lovile; athu hi witwe.

Mika 4:8

Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.

Isaya 52:2

Gubhuta lithulu, wuka u khalahatsha, awe Jerusalema; titxhatxhise ka tingoti ti ti ku thamoni kwako, awe mwanana wa muhorana wa Siyoni, u ku khumbi.

Jeremiya 31:6

Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.

Isaya 38:18

Nguko dithitha kha di sikoti ku kudhumisa, hambi kufa kha ku na ku kupfalisa, kambe kha va na mbi verela ditshuri dako, avale va relelako diphalani.

Isaya 49:9

kasi ku txi khawe ka vale vo sungwa: Humani; se ni ka vale va ku txidemani, u txi khawe: Ti wonekiseni. Vona va na dyisela tinzilani, ni ka otshe makhalo o guleka va na mana wudyiselo wawe.

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Vahebheru 6:19

Txithembiso txiya, kwathu, txi fanana ni hangi ya moya, ayi i ku ya kutsana ni kuthembeka, ayi yi dolako nguwo ya txitshingelelo ya dithepele yi txi wulela mndani ka txiluvelo txa Txizimu.

Isaya 24:22

Se ma na tshanzuketelwa kufana ni vo ñolwa, amu diphalani, kambe ma na khotelwa mkorani, ma na tsayiswa msana ka masiku amangi.

Jeremiya 14:8

Awe u kuthemba ya Israyeli, Muhanyisi wathu ka mbimo ya sikarato, ngu kutxani u txi nga u wa matiko ditikoni, nga muendi wu a hambukako kasi e fungala wusiku wumwewo kani?

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.