Biblia Todo Logo
Bib sou entènèt

- Piblisite -




Zakariya 9:10 - Bhiblia Yo Sawuleka

10 Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.

Gade chapit la Kopi




Zakariya 9:10
33 Referans Kwoze  

Se ka ditshiku dile ni na maha ngu vona txitumelelano, ni sihari sa tshofu sa txitinga, ni sinyana sa nzumani, ni sihari so tsimbila ngu mrumbu sa ha mafuni; kambe ni na thavisa wulaho ni ditxhari, ni gumisa ni yimbi ditikoni, ni va maha ve zumba ngu kutsana.


Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.


Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”


Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.


Nguko ditiko ni mfumo wule wu no mbi ku thumela, si na lova; ina, matiko oneyo otshe ma na sala i di marumbi.


A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.


Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.


Totsheto ti ta ngu ka Txizimu, atxi txi nga hi tshanganisa natxo ngu Kristu; txona txi hi ningile mthumo wa kutshanganisa vathu kumweko natxo.


Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.


se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.


Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.


Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.


Mimango yi na tisa kudikha vathuni, ni simangwana si na tisa kululama.


Otshe makhalo ale mikondo yanu yi no ma kanda, ma nava i di anu. Ditiko danu di na khukhela txiwulani ka Libhanoni, ni kukhukhela mnamboni ka Ewufrate, kala lineneni ka mswa-ditambo.


Solomoni a ti ti khozisa yotshe mifumo kukhukhela mnamboni ka Ewufrate, kala ditikoni ka Vafilista, kala magwito ka Egipta; va ti mluva ni ku mthumela ka otshe masiku a kuhanya kwakwe.


Ni na engisa atile Txizimu txi no womba. Kha ditshuri Mkoma a thembisile kudikha ka vathu vakwe, ka vathu va va m'thembako kasiku va si tshumeleli wupumbuni.


Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.


Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.


Ene a na ni dhana, a txi khene: “Awe u tate wangu, u Txizimu txangu, txi txi ni hanyisako ni ku ni vhikela.”


Se ni na kuteka ngu kuthembeka, kambe u na ziva Mkoma.


Dianza dako di na guleka txitimwi ka valala vako, se votshe valala vako va na loviswa.


Swiv nou:

Piblisite


Piblisite