Zakariya 9:1 - Bhiblia Yo Sawuleka

¹ Dipswi da Mkoma do wukela ditiko da Hadraki ni Dhamasku, i ku wukhalo wakwe wo humula ka wona; nguko mawonelo a vathu ni a totshe tihunzu ta ka Israyeli, ma rendekela ka Mkoma.

Zakariya 9:1 Referans Kwoze

Malakiya 1:1

Dipswi da Mkoma do lamula Israyeli, di nga wombwa ngu Malakiya.

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Amosi 3:12

Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Masalmo 145:15

Maso a votshe ma wonetela awe, kambe awe wa va ninga sakudya ngu mbimo ya kona.

Masalmo 25:15

Maso angu ma wonetela Mkoma yotshe mbimo, nguko ene wa ni hulukisa ka totshe tiphango.

2 Makronika 20:12

Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

Genesisi 14:15

Se ene a to abanisa vathu vakwe ngu mitxawa, va txi dayela valala vawe ni wusiku, ve va khozisa, ni kuva hinga kala Hobha, wuphemba ka Dhamasku.

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

Nahume 1:1

Kulamulwa ka Ninivha. Dibhuku da txiwoniso txa Nahume, Muelikoxi.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.