Zakariya 8:9 - Bhiblia Yo Sawuleka

⁹ A womba tiya Mkoma wa Mabutho a Tiyimbi: Ma na ti karate manza anu motshenu, mi nga engisa masikwanano mapswi awa a vaprofeti, vale va nga ti tiho, ka ditshiku dile ku nga vekwa makhato a Nyumba ya Mkoma wa Mabutho a Tiyimbi, kasi ku dithepele di mana kuakwa.

Zakariya 8:9 Referans Kwoze

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Hagayi 2:21

Womba-womba ka Zorobhabheli mthangeli wa Judha, u txi kha awe: Ni na maha ti taku nzuma ni mafu si txi dekadeka;

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

Zakariya 8:18

Se dipswi da Mkoma wa Mabutho a Tiyimbi di to ta kwangu, di txi ta kha dona:

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.

Hagayi 2:18

Sekoko vekani, ani na mi khongotela, kukhukhela ka diya ditshiku ni kuya masoni, kukhukhela ka ditshiku da magumi mambidi ni mune ka mtxima wa wutxhanu ni mune, kukhukhela ka ditshiku di ku nga khatwa kuakwa Dithepele da Mkoma, vekani timbilu tanu ka timhaka tiya.

2 Makronika 15:7

Kambe anu mi nga thaveni, mi nga godoliseni mawoko anu, nguko mthumo wanu u na va ni hakhelo.

Isaya 35:3

Tsanisani manza o karala, ni kutsanisa mazolo o rereka.