Zakariya 8:5 - Bhiblia Yo Sawuleka

⁵ Se tinzila ta didhoropa ti na tala ngu mazambi ni mahorana, ale ma no sakana ka tona.

Zakariya 8:5 Referans Kwoze

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Zakariya 2:4

Se yi txi yi gela tiya: Tutuma, u ya gela dizambi diya u txi khawe: Jerusalema ku na akiswa ku nga mikhokhola yo mbi na maguma, ngu mhaka ya kutala, ka vathu, ni ka sihari.

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Jeremiya 31:27

Wona taku mata masiku, kuwomba Mkoma, eyo ni no phaya nyumba ya ka Israyeli ni ya ka Judha, ngu mbewu ya vathu kumweko ni mbewu ya sihari.

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.