Zakariya 8:4 - Bhiblia Yo Sawuleka

⁴ A womba tiya Mkoma wa Mabutho a Tiyimbi: Ka mitendela ya Jerusalema, ku na zumba vo kumba, va txiwamna ni va txisikati, mmwani ni mmwani a na teka mtxheketelo wakwe, ngu mhaka ya tanga yakwe ya hombe.

Zakariya 8:4 Referans Kwoze

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Jobe 42:17

Sekoko, Jobe a fite a di kumbile, a di ni masiku amangi.

Jobe 5:26

U na tshotshwa dithithani u ti kumbile, nga kule kusengeletwako tinyanda ta fulaho ngu mbimo ya kona.

1 Samuwele 2:31

Wona taku mata masiku ale ni no wila diwoko dako ni diwoko da nyumba ya tate wako, kasiku ku si maneki txikosana ni txa tximwetxo ka nyumba yako.

1 Samuwele 2:32

Se wu na wona kuxaniseka ka Nyumba ya Txizimu, ka wukhalo wa totshe ta tinene tile ni no mahela Israyeli; kambe kha ku na mbi va ni txikosana ni txa tximwetxo nyumbani kwako, ka masiku otshe.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Jeremiya 31:24

Judha a na va konaho kumweko ni madhoropa akwe otshe, kumweko ni vadimi, ni vadyisi va mitxhambi.

Zakariya 2:4

Se yi txi yi gela tiya: Tutuma, u ya gela dizambi diya u txi khawe: Jerusalema ku na akiswa ku nga mikhokhola yo mbi na maguma, ngu mhaka ya kutala, ka vathu, ni ka sihari.

Eksodha 21:19

se ngako a txi khukha e tsimbila-tsimbila hahanze na a txi txheketela ngu ndonga, sekoko awule a nga mpeka a na divalelwa; aniko a na m'diha mbimo yile a nga jiyela, kambe a na mkondeta eza e kalamuka.