Zakariya 8:16 - Bhiblia Yo Sawuleka

¹⁶ Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

Zakariya 8:16 Referans Kwoze

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Zakariya 7:9

Mkoma wa Mabutho a Tiyimbi a to womba, a txi khene: Mahani wululamo wa ditshuri, kombisani kudivalela ni wumbilu, mmwani ni mmwani ka mwanawe;

Masalmo 15:2

Hahanze ka wule a hanyako wutomi wo mbi na dikhwiti, a mahako kululama ni wu a wombako ditshuri mbiluni kwakwe;

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Mavingu 12:19

Mapswi a ditshuri ma na zumba yotshe mbimo, aniko mawombawombelo a makuhu, nga mbimo ya yidotho.

Mavingu 12:17

Awule a wombako ditshuri a kombisa wululamo, aniko fakazi ya makuhu ya kanganyisa.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Matewu 5:9

Va katekile ava va thumelako kudikha, nguko va na dhanwa ku mbanana va Txizimu!

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Amosi 5:24

Wunene wa tutuma nga mati, ni wululamo ku nga mnambo wa kwa mbi phwha.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Levhi 19:11

Mi nga peni, mi nga dyeleleni, mi nga wombeni makuhu kasi kukanganyisa mkwanu.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Ezekhiyele 18:8

asi ningeliko male yakwe ngu kubhindulisa, asi amukeli ngu kupindisa, a vayilelisako dianza dakwe ka kwa mbi lulama, a lamulako m'thu ngu kululama masoni ka mmwani m'thu;

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.