Zakariya 7:7 - Bhiblia Yo Sawuleka

⁷ Ina anu kha ma mapfa mapswi ale Mkoma a nga ma txhumayela, ngu mthumo wa vaprofeti vo khata, mbimo yile Jerusalema a nga ti ngadi ni vathu, na a di thuthile, ni kuranganyetwa ngu madhoropa akwe, se Wulambwe ni libalani, ku ti ti ni vathu kani?

Zakariya 7:7 Referans Kwoze

Jeremiya 17:26

Va nata ngu madhoropani a ka Judha, ni madhawani ka Jerusalema, ni ditikoni ka Bhenjamini, ni tibalani, ni mimangoni, ni wulambwe, ve neha miningelo yo hiswa ni miphaxo, ni miningelo ya mpupu, ni dibaselo, ni miningelo ya kudhunda amu Nyumbani ka Mkoma.

Jeremiya 32:44

Va na xava tithembwe ngu male, ve bhala mapapilo a mxavo, ve ma tsanisa, ve dhana tifakazi, amu ditikoni ka Bhenjamini ni madhawani ka Jerusalema, ni madhoropani ka Judha, ni ka madhoropa a mimangoni, ni madhoropa a tibalani, ni madhoropani ka mswa-ditambo; nguko ni na wuyisa vo ñolwa, kuwomba Mkoma.

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Jeremiya 7:5

Nguko ngako mi txi txhukwatisa mahanyelo anu ni mithumo yanu, ngako mi txi lamula ngu kululama hagari ka m'thu ni mwakelani wakwe,

Jeremiya 33:13

Ka Madhoropa a mimangoni, ni madhoropani a tibalani, ni madhoropani ka mswa-ditambo, ni ditikoni ka Bhenjamini, ni madhawani ka Jerusalema, ni madhoropani ka Judha, sifuyo si ngadi si txi na pinda ngu manzani ka vabali, kuwomba Mkoma.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Dhewuteronome 34:3

ni Wuphemba, ni ka thembwe ya mkovani ka Jeriko, didhoropa da mitxhese.

Jeremiya 13:19

Madhoropa a Wulambwe ma tsivilwe, khangaho a no ma tula; votshe va ka Judha va yisilwe wukhumbini, kha ka sala ni wammweyo.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Zakariya 7:6

Mwendo mbimo yile mi nga dya, ni mbimo yile mi nga sela, ina kha ma dya ni kuselela ku ti tsakisa mipune kani?

Zakariya 7:8

Se dipswi da Mkoma di to ta ka Zakariya di txi ta kha dona:

Zakariya 7:12

Ina, va bangisile timbilu tawe ti fana ni marigwi a dhayimani, kasi ku va si engisi mlayo, ni mapswi awa Mkoma wa Mabutho a Tiyimbi a nga ti ma rumete ngu Moya wakwe, a txi thuma nga vaprofeti vo khata, ngumo ku nga ta ngu kona kuhenya ka hombe ka Mkoma wa Mabutho a Tiyimbi.