Zakariya 7:2 - Bhiblia Yo Sawuleka

² Mbimo yile ku ngu Bheteli ku nga rumelwa Saresari, ni Rejemi-Meleki, ni vamwani vavamna, kasi kuya kombela kuvhunwa ngu Mkoma,

Zakariya 7:2 Referans Kwoze

Zakariya 8:21

se vale va zumbako ka didhoropa dimwedo, va na ya ka dimwani, va txi ya kha vona: He tsuleni ngu txikuluveta hi ya kombela kuvhunwa ngu Mkoma, ni kuya lava Mkoma wa Mabutho a Tiyimbi; nanani na tsula.

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

1 Samuwele 13:12

ni to khani: Konkuwa Vafilista va na kwetima ve ta lwa ni nani kheno Giligali, kambe kha ni se kombela masoni ka Mkoma: Se ni ti kurumetile ni ningela mningelo wo hiswa.

Zakariya 6:10

Amukela miningelo ya vale va nga yiswa wukhumbini: Ya Heldhayi, ya Tobhiya, ni ya Jedhaya (se uya kwawe ka dona ditshiku dile, u ya wulela nyumbani ka Josiya, mwana Zefaniya), i ku va va nga wuya ngu Bhabhilona.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

Ezra 6:10

Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

Ezra 2:28

Vavamna va Bheteli ni Ayi, 223.