Zakariya 6:7 - Bhiblia Yo Sawuleka

⁷ Se mahantxhi ale a mtamo ma ti huma me lava kuthangela masoni, ma txi tsimbila-tsimbila ha mafuni. Se ngelozi yi to kha yona: Tsulani, mi tsimbila-tsimbila ha mafuni. Se ma to tsimbila-tsimbila ha mafuni.

Zakariya 6:7 Referans Kwoze

Zakariya 1:10

Sekoko, wamwamna wule a nga ti ti emile hagari ka mindonga ya mimurta, a to xamula, a txi khene: Avava ngu vale Mkoma a nga va ruma ku ta horolokela ha mafuni.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Dhaniyeli 7:24

Se ngu ka titxheho tile ta digumi, ngu ka mfumo wonewo wawumwewo ku na emiswa digumi da vafumeli; msana ka kwawe ku na emiswa mmwani, wule a no hambana ni vale vo khata, e wisa vafumeli vararu.

Dhaniyeli 7:19

Sekoko ni to navela kuziva ditshuri madingano ni txihari txa wumune, txi nga ti hambani ni sotshe sihari, txo thisa ngutu, txa makwasa a simbi ni siyala sa txikete; txi sikotako kukhadamula ni kuphatulela, txi ganyetela si si salako ngu mikondo ya txona;

Genesisi 13:17

Konkuwa, khukha u txi dhawula ditiko diya u wona kulapha ka dona ni kuanama ka dona, nguko ni na kuninga dona.”

Mitengo 21:4

Sekoko va to khukha mmangoni ka Hori, ngu nzila ya Linene lo Bhilivila, va txi rendeleka ditiko da Edhomi; kambe ngu kulapha ka mnava, vathu va to guma mtamo, ve rereka ngu nzala.