Zakariya 6:6 - Bhiblia Yo Sawuleka

⁶ Txikotxikani txile txi ndindwako ngu mahantxhi a mtima, txiya ditikoni ka Wuphemba, se ale o basa me londeta ngu msana ka ale a mtima, ale a matshakatshaka ma txi ya ditikoni ka Wulambwe.

Zakariya 6:6 Referans Kwoze

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.

Jeremiya 51:48

Se nzuma ni mafu ni sotshe si si kuho, si na tsakela Bhabhilona; nguko ngu Wuphemba va nata vahasamuli, kuwomba Mkoma.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Dhaniyeli 11:40

Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Dhaniyeli 11:9

Se a na wulela ka ditiko da mfumeli wa Wulambwe, aniko e tshumela e tsula ditikoni kwakwe.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Mtuletelo 6:5

Mbimo yi Txinvutana txi nga kwamula txixambanyo txa wuraru, ni to engisa txivangwa txa wuraru txi hanyako, txi txi kha txona: “Ngono!” Konako ku to humelela dihantxhi da ntima, mgadhi wa dona a ti ni txikalo manzani.

Isaya 43:6

Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.