Zakariya 6:11 - Bhiblia Yo Sawuleka

¹¹ Eko ni khani amukela silivhela ni nzalama, u maha mibhoti, u yi veka ha msungo ka Joxuwa, mwana Jozadhake, mphaxeli wa hombe.

Zakariya 6:11 Referans Kwoze

Zakariya 3:1

Se Txizimu txi to ni komba Joxuwa, mphaxeli wa hombe, awu a nga ti ti masoni ka Ngelozi ya Mkoma, se Sathani a ti ti ka dianza da txinene da Joxuwa, kasi ku mmangala.

Masalmo 21:3

U mu hingetile u txi mninga makatekwa u mu ambekile ha msungo kwakwe m'bhoti wa nzalama ya yinene.

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

Mtuletelo 19:12

Maso akwe dituro da mndilo, ha msungo kwakwe ku na ni mibhoti yayingi, kubhatwe ditina di di si ziwiko ngu mmwani m'thu hahanze kwakwe,

Zakariya 3:5

Ani ni to khani: Muambekeni txigoko txo basa ha msungo kwakwe. Se va to muambeka txigoko txo basa ha msungo kwakwe, ni ku muambeka syambalo; kambe Ngelozi ya Mkoma yi ti ti kona hale.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Levhi 8:9

se a to sanzeka txigoko ha msungo kwakwe, ni ha ka txigoko ngu khoheni kwakwe, e veka limo la nzalama m'bhoti wo sawuleka, nga tile Mkoma a nga rumisa tona ka Mosi.

Eksodha 39:30

Ngu msana kumahilwe txiluva txa nzalama, ka yona kubhatwe ngu kukenyelwa, nga ti va bhalisako tona aha ka phera, va txi kha vona: Kusawule ka masoni Mkoma.

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Hagayi 1:14

Se Mkoma a to wusa moya wa Zorobhabheli, mwana Salatiyeli, mthangeli wa Judha, ni moya wa Joxuwa, mwana Jozadhake, mphaxeli wa hombe, ni moya wa votshe vathu vale va nga huluka, se va to ta thuma Nyumbani ka Mkoma wa Mabutho a Tiyimbi, Txizimu txawe,

Hagayi 2:4

Se konkuwa, tsanisela awe Zorobhabheli, kuwomba Mkoma, tsanisela awe Joxuwa, mwana Jozadhake, mphaxeli wa hombe, tsaniselani motshenu anu vathu va ha mafuni, kuwomba Mkoma, aniko thumani, nguko ani ni na ni nanu, kuwomba Mkoma wa Mabutho a Tiyimbi,

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Eksodha 29:6

U na mu ambeka txigoko ha msungo kwakwe, ni txitimwi ka txigoko u na veka txikombiso txa m'bhoti wo sawuleka.

Mtuletelo 6:2

Se konako ni to wona dihantxhi do basa, mgadhi wa dona a di ni wulaho. Va mu ningile m'bhoti, se e huma, nga ndena, yi yi yako kuxulani.

2 Samuwele 12:30

Se a to thavisa m'bhoti ha msungo ka mfumeli wa kona; wule kunemela ka wona i nga ti ti ka talenta yimweyo ya nzalama, ka wona ku ti ti ni marigwi a lisima, kambe wu to sanzekwa ha msungo ka Dhavhidha; se a to handa simaha so tala ngutu didhoropani.

Ezra 10:18

Se ku to maneka hagari ka vanana va vaphaxeli avale va nga tekana ni vavasikati va mamwani matiko: Ka vanana va Jesuwa, vanana va Jozadhake, ni vanawe: I ku Mahaseya, ni Eliyezeri, ni Jaribhe, ni Gedhaliya.

Zakariya 6:14

Se mibhoti yiya yi na va ya Helemi, ni Tobhiya, ni Jedhaya, ni Hemi, mwana Zefaniya, yi na maha txyalakanyiso dithepeleni ka Mkoma.