Zakariya 6:1 - Bhiblia Yo Sawuleka

¹ Se ni to gula kambe maso angu, ni wona mune wa sikotxikani, si txi huma ngu hagari ka mimango yimbidi, mimango yiya i ti ti mimango ya txikete.

Zakariya 6:1 Referans Kwoze

Dhaniyeli 8:22

kufunywa ka litxheho, ni kumila ka mune wa titxheho ka wukhalo wa lona, ti txhamusela ku, ku na wuswa mune wa mifumo ya ditikoni kumweko, kambe i si nga ngu mtamo wa dona.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Zakariya 6:5

Se ngelozi yi to ni xamula yi txi kha yona: Ayiya i mune wa mimoya ya nzumani, yi humako ngu mu yi nga ti ti kona masoni ka Mkoma wa mafu otshe.

Zakariya 5:1

Ni to engeta kambe ni gula maso angu, ni wona, ni to wona dibhuku do puruma.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Dhaniyeli 4:15

Aniko mi na siya txitsha ni mitwi ya txona mafuni, mi txi sunga ngu txhini ya simbi ni ya msuku amu ka mwasi wa txitingani; kambe txi na nakaniswa ngu mwando wa nzumani, se txi nadya mwasi kufana ni sihari.

Isaya 43:13

Na ku si se vaho ditshiku, ani ngani; kambe kha ngaho wu a sikotako kuhuluka manzani kwangu; Ngako ni txi thuma, i mani a no ni tsimba kani?

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Masalmo 36:6

Kululama kwako nga hombe kufana ni mimango; mithetho yako yi etile kufana ni linene. Awe, Mkoma, wa xayisa vathu ni sihari.

Masalmo 33:11

Aniko makungo a Mkoma ma zumba mbimo yotshe; mipimiso ya mbilu yakwe ya simama ka liveleko ni liveleko.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Vaefesu 3:11

madingano ni makungo awa Txizimu txi nga ti ma vekile, ayawa txi nga ma wonekisa ngu Kristu Jesu Mkoma wathu.

2 Vafumeli 6:17

Se Elixa a to khongela a txi khene: Mkoma, na ku kombela ti to u mtula maso kasi ku e wona. Se Mkoma a to tula maso a dijaha, di so wona. Mmango wu ti ti tate ngu mahantxhi ni sikotxikani sa mndilo, si di ranganyetile Elizewu.

Isaya 66:15

Nguko wonani taku Mkoma a nata ngu mndilo; se sikotxikani sakwe nga singulu, kasi kuhundulusa kuhenya kwakwe kumaha txiviti, ni kukawuka kwakwe ku na fana ni midhikila ya mndilo.

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”