Se ani ni ti khani: Awe nyamne wangu, mba mani vava kani? Se ngelozi yi yi nga ti ti womba-womba ni nani yi to kha yona: Ani ni na kukomba taku avava mbamani.
Sekoko, ngelozi yile yi nga ti ti womba-womba ni nani, yi to xamula kwangu, yi txi kha yona: Khu ti zivi taku nji txani txiya kani? Se ani ni txi khani: Ahim-him, nyamne wangu.
Kambe ni to wotisa ka ngelozi yile yi nga ti ti womba-womba ni nani, ni txi khani: Njitxani txiya kani? Se yi to kha yona kwangu: Atiya nditxheho tile ti nga hangalasa Judha, ni Israyeli, ni Jerusalema.
Se ngelozi yile yi nga ti ti womba-womba ni nani, yi to ni gela tiya: Kwangula u txi khawe: Mkoma wa Mabutho a Tiyimbi a womba tiya: Ngu kuhiseka ka hombe, na hiseka ngu Jerusalema ni Siyoni.
Txizimu txi to kha txona kwangu: Awe mwanana wa m'thu, konkuwa guleta maso ako, u wonetela ka nzila ya wuphemba. Se ni to guleta maso angu ni wonetela nzila ya wuphemba, se ngu didhawa da wuphemba, tshungameto ni ditimba da txiluvelo, txi ti ti ho txifananiso txiya txa txiluse, ngu ha txikeni.