Zakariya 5:4 - Bhiblia Yo Sawuleka

⁴ Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Zakariya 5:4 Referans Kwoze

Mavingu 3:33

Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jobe 18:15

Ditendani kwakwe a na ya zumba wule i nga ti si nga ene; ku na xwayelwa txivavula txitimwi ka nyumba yakwe.

Dhewuteronome 7:26

Ngu kumaha keto, u nga wuletise simaha so nyenyeza nyumbani kwako: Nguko u nga nyenyeza nawe kumweko naso; u fanete ku si nyenya ngutu, mi txi va kule naso, nguko nzimaha sa manyala.

Jobe 20:26

Txotshe txidema txi na sisala txihunjani ka Txizimu. Se mndilo wo mbi futetelwa wu na mlovisa, kambe wu na tshokomisa sotshe sile si no sala ditendani kwakwe.

Isaya 24:6

Ngu mhaka yeto, txiruko txa heta mafu, se avale va hanyako ka ona, va na koneka; ngu mhaka yeto, vaaki va ha mafuni, va na hiswa, mbadotho ava va no sala.

Jeremiya 2:26

Kufana ni dikhamba di di manwi di ni tingana, ngu toneto ni nyumba ya ka Israyeli yi ni tingana, kumweko ni vafumeli ni vathangeli va yona, vaphaxeli va yona ni vaprofeti va yona.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Zakariya 5:3

Sekoko ngelozi yi to ni gela ku kha yona: Atxiya njiruko txi txi no huma txitimwi ka otshe mafu; nguko ni wihi a no pa, a na tutumiswa ditikoni, madingano ni txiruko txa didhawa dimwedo; se ni wihi wule a no xambanya makuhu a na thaviswa ha ditikoni, madingano ni txiruko txa dimwani didhawa.

Zakariya 8:17

Kambe ni wammweyo kwanu, a nga pimisele wubihi mbiluni kwakwe, wo wukela mkwawe, hambi kudhunda kuxambanya makuhu, nguko totshe tiya ani na ti nyenya, kuwomba Mkoma.

Dhewuteronome 28:16

U na ruketelwa amu didhoropani, u ruketelwa kambe thembweni kwako.

Joxuwa 9:20

Ati hi no maha ka vona ngu tiya: Hi na va leka ve hanya, kasi ku hi si ti ndindeli kuhenya, ngu mhaka ya txixambanyo txi hi nga txi maha kwawe.

Jobe 8:15

A na tshikila ha nyumbani kwakwe, aniko kha na mbi ti manela kutsana; a na m'hiketela, kambe kha na mbi ema;

Jobe 8:22

Vaxamukisi vako va na ambala pfilu-pfilu, hambi ditenda da vo biha kha di na mbi vaho kambe.