Zakariya 5:11 - Bhiblia Yo Sawuleka

¹¹ Se ngelozi yi to ni gela tiya: Vo ya yi akela nyumba ditikoni ka Sinari, aha yi no gwita kuakwa, efa yi na vekwa ka wukhalo wa yona.

Zakariya 5:11 Referans Kwoze

Genesisi 11:2

Ti di ngeto, vathu va to khukha na va txita ngu wutxani, se ve mana libala ditikoni ka Sinari; ve ti akela ka lona.

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

Genesisi 10:10

Se Namrodhe a txi khata kufuma, a fumile madhoropa a Bhabheli, Ereke, Akadhe, madhoropa awa otshe ma ku ditikoni ka Senari.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Genesisi 14:1

Ka mbimo ya Amurafeli, mfumeli wa Sinari, ni Ariyoki, mfumeli wa Elasari, ni Kedhorolawomeri, mfumeli wa Elame, ni Tidhali, mfumeli wa Goyimi,

Jeremiya 29:28

Ngu mhaka yeto, a nga hi rumelela mhaka aniya Bhabhilona, a txi khene: Wukhumbi wu ngadi wu txi na lapha; ti akeleni tinyumba mi zumba ka tona, mi phaya tithembweni, ni kudya mihando ya kona.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Dhewuteronome 28:59

Mkoma a na kupeka awe ni liveleko lako, ngu mitungu yo xamalisa, mitungu ya hombe ya kusimasima yi si pindi, mipando yo biha, yo mbi kalamuka.

Zakariya 5:10

Sekoko ani ni to khani ka ngelozi yi yi nga ti ti womba-womba ni nani: Va yi yisa hayi efa yile kani?