Zakariya 4:9 - Bhiblia Yo Sawuleka

⁹ Manza a Zorobhabheli ma khatile nyumba yiya, kambe manza akwe ma na yi heta, kuva mi txi na tiziva taku, Mkoma wa Mabutho a Tiyimbi, a ni rumile kwanu.

Zakariya 4:9 Referans Kwoze

Ezra 5:16

Sekoko a to bwaka Sesibhazari e ta maha makhato a Nyumba ya Txizimu, txi zumbako Jerusalema; se kukhukhela ka koneho kala kuwa, ya akwa, kambe kha yi se guma.

Zakariya 6:15

Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Johani 17:21

Votshe va nave mmweyo, nga ku awe, Tata, u ku kwangu, ni nani ni ku kwako, ni vona va nave kwathu, kasiku ditiko di txi kholwa ti to u ni rumile.

Johani 3:17

Nguko Txizimu kha txa rumela Mwanana wa txona ku ta abanisa ditiko, aniko txi mrumete ti to ditiko di ta mana kuhanyiswa ngu ngene.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Isaya 48:16

Tshuketani kwangu mi ta engisa tiya: Kukhukhela kukhatani kha na womba-womba txihujani; kukhukhela mbimo yile timhaka tile ti nga maheka ani ni ti tiho; se konkuwa, Mkoma Txizimu a ni rumete Moya wakwe.

Hagayi 2:18

Sekoko vekani, ani na mi khongotela, kukhukhela ka diya ditshiku ni kuya masoni, kukhukhela ka ditshiku da magumi mambidi ni mune ka mtxima wa wutxhanu ni mune, kukhukhela ka ditshiku di ku nga khatwa kuakwa Dithepele da Mkoma, vekani timbilu tanu ka timhaka tiya.

Zakariya 1:16

Ngu toneto, Mkoma a womba tiya: Ngu wumbilu ni tshumelete Jerusalema; nyumba yangu yi na akwa kona, kuwomba Mkoma wa Mabutho a Tiyimbi, se ngoti yi na gwimbwa txitimwi ka Jerusalema.

Zakariya 4:8

Se dipswi da Mkoma di to ta kambe kwangu, di txi kha dona:

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.