Zakariya 4:7 - Bhiblia Yo Sawuleka

⁷ U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Zakariya 4:7 Referans Kwoze

Jeremiya 51:25

Ti wone, na kuwukela, awe mmango, mkhunduluseli, kuwomba Mkoma, u khundumusako dotshe ditiko, kambe ni na nawuluta dianza dangu, ni txi kurindilita amu marigwini, se ni na kuhisa ngu mndilo wa hombe.

Zakariya 4:9

Manza a Zorobhabheli ma khatile nyumba yiya, kambe manza akwe ma na yi heta, kuva mi txi na tiziva taku, Mkoma wa Mabutho a Tiyimbi, a ni rumile kwanu.

Mika 4:1

Se ka masiku o gwitisa, ku na maheka to mmango wa Nyumba ya Mkoma, wu na vekwa txitimwi ka mmango, se wu na guleka txitimwi ka simangwana, kambe vathu va na tutumela ka wona.

Masalmo 118:22

Dirigwi diya vaaki va ngadi nyenya di mahile dirigwi da hombe do tsanisa.

Masalmo 114:4

Mimango yi to jala nga tihamba ni mimango yi to ndaka nga sinvutana!

1 Pedro 2:7

Ngu toneto, mi katekile anu mi kholwako, aniko, ka vale va si kholwiko; dirigwi di vaaki va ngadi nyenya, di mahile dirigwi da hombe do tsanisa.

Mithumo 4:11

Ene ngene dirigwi di di nga nyenywa ngu nganu vaaki, adiya se di nga mahwa msungo wa dikhona.

Isaya 41:15

Wona taku, ni ku mahete txigayo txa txiphya, txi ku ni makwasa o hinda; u na hula ni kugaya mimango; se simangwana u na si maha si txi nga mwasi.

Masalmo 114:6

Anu mimango, ngu kutxani mi txi jala-jala nga tihamba kani, ni nanu mimango mi ndakela txani nga sinvutana kani?

Varoma 11:6

Kambe, ti txi tsimbila ngu kateko, hi nga ngadi kambe ngu mithumo; nguko, ngako i di ngu mithumo, kateko hi nga ngadi i di kateko.

Mika 1:4

Se mimango yi na nyivilika hahatshi ka mikondo yakwe, ni mikova yi na tuleka, ku nga phula mndiloni, kufana ni mati o khiringela kuhokomani.

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Mtuletelo 16:20

Sitondolo sotshe si to thava, mimango ni yona yi to mwalala;

Vaefesu 2:20

nguko anu mi fana ni nyumba yi nga akwa txitimwi ka makhato o mahwa ngu vapostoli ni vaprofeti, ahawa Jesu Kristu apune i ku Dirigwi da kona da hombe do tsanisa;

Luka 20:17

Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’

Luka 3:5

Yotshe mikova yi na tatiselwa, ani yotshe mimango ni situnga si na khundumuselwa; se tinzila ta majikwa ti na lulametwa, ani tinzila ta sikhele ti na lulama;

Matewu 21:42

Jesu a to va gela a txi khene: “Kasi kha ma gonda ka Mibhalo ti taku: ‘Dirigwi dile di nga lambwa ngu vaaki di tshumete di maha dirigwi da hombe do tsanisa. Atiya ti mahilwe ngu Mkoma kambe ta xamalisa masoni kwathu.’

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Marku 12:10

Kha mi nzi kugonda mibhalo yi yi ku: ‘Dirigwi diya vaaki va ngadi nyenya, ngu dona di nga mahwa da hombe do tsanisa.

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Ezra 3:10

Mbimo yile vaaki va nga maha makhato a kuaka Dithepele da Mkoma, va to ti henjeleta vaphaxeli ni siya sawe ni mipundu, Valevhi i ku vanana va Asafe, ni sitende kasi kudhumisa Mkoma, madingano ni txileleto txa Dhavhidha, mfumeli wa ka Israyeli.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Zakariya 4:8

Se dipswi da Mkoma di to ta kambe kwangu, di txi kha dona: