Zakariya 4:6 - Bhiblia Yo Sawuleka

⁶ Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Zakariya 4:6 Referans Kwoze

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.

Mitengo 27:16

Mkoma Txizimu txa mimoya ya yotshe nyama, veka m'thu txitimwi ka msengeletano wuwa,

Ezra 5:2

Sekoko ku to khukha Zorobhabheli mwana Salatiyeli, ni Jesuwa, mwana Jozadhake, ve khata kuaka Nyumba ya Txizimu, txi txi zumbako Jerusalema; va ti ti vhunwa ngu vaprofeti va Txizimu.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Vaefesu 6:17

Amukelani kuhanyiswa ku txi maha txidgoko txanu ha msungo, se dipswi da Txizimu di txi maha ditxhari danu da Moya.

Genesisi 41:16

Josefa a xamute ka Faro, a txi khene: “Eto kha ti nga kwangu!” Txizimu ngu txona txi no ninga Faro txhamuselo yi yi lavekako.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

1 Samuwele 17:47

Ni wotshe msengeletano wuwa wu na tiziva ti to Mkoma wa hanyisa, na i si nga ngu ditxhari mwendo mseve; nguko kulwa nga Mkoma, se ene a na mi ningela manzani kwathu.

1 Vafumeli 19:12

Se ku di gwitile kuzinginika, ku to tura mndilo; aniko mndilonimo kambe asi ngaho Mkoma; msana ka mndilo ku to pfala dipswi do thutha, da wukheta.

Ezra 3:10

Mbimo yile vaaki va nga maha makhato a kuaka Dithepele da Mkoma, va to ti henjeleta vaphaxeli ni siya sawe ni mipundu, Valevhi i ku vanana va Asafe, ni sitende kasi kudhumisa Mkoma, madingano ni txileleto txa Dhavhidha, mfumeli wa ka Israyeli.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Dhaniyeli 2:34

U ti ti wona eto mbimo yile ku nga wilwa dirigwi, ku si woneki dianza di di nga khundumusa txithombe ka mikondo ya sikete ni ya dibumba, txi txi koyolela.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Hagayi 2:21

Womba-womba ka Zorobhabheli mthangeli wa Judha, u txi kha awe: Ni na maha ti taku nzuma ni mafu si txi dekadeka;

Zakariya 6:12

Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma.

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Isaya 34:16

Lavani mu ka dibhuku da Mkoma, mi gonda: Kha txi ngaho ni txa tximwetxo txi no tandeka, kha ku na mbi pwateka ni txa tximwetxo hambi tximwani; nguko txisofu txakwe txipune txi leletile, kambe moya wakwe wupune wu na si sengela.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.