Zakariya 4:2 - Bhiblia Yo Sawuleka

² Yi txi ni gela ku kha yona: U wona txani kani? Se ani ni ti khani: Ni txi wona, no wona txipande txo mahwa ngu nzalama dwe, txitimwi ka txona ku di ni txiya txo thela kona mtona, ni mtxhanu wa malambu ni mambidi, se dilambu dimwedo ni dimwedo di ti ti ni mtxhanu wa mipofu ni yimbidi.

Zakariya 4:2 Referans Kwoze

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Mtuletelo 1:12

Ni to tshembereka kasi kuwona wule a nga womba-womba ni nani, se, ni di tshemberekile, ni to wona mtxhanu wa sipande ni simbidi sa nzalama, so zomeka ka sona makhanjela.

Zakariya 5:2

Se ngelozi yi to ni wotisa tiya: U wona txani kani? Se ani ni ti khani: No wona dibhuku di purumako, di ku ni magumi mambidi a mikono ya kulapha, ni digumi da mikono ya kuanama.

Jeremiya 52:19

Se mthangeli wa vawoneleli a to teka magombe ni so hisela ka sona dibaselo, ni mikamba, ni siya so sengeleta ka sona dikhuma, ni titshava ta malambu, ni so nungelisa, ni tifuko, asile sa nzalama yo surutetwa ni sa silivhela yo hehuka.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

2 Makronika 4:7

A to maha kambe digumi da siphande sa nzalama, e si veka dithepelani, mtxhanu ka didhawa da txinene, ni mtxhanu ka didhawa da txibhabha.

1 Makronika 28:15

ni kunemela ka tiphande ta nzalama, ni malambu a kona a nzalama, madingano ni kunemela ka phande yimwani ni yimwani, ni malambu a kona; ni tiphande ta silivhela, madingano ni kunemela ka tiphande, ni malambu a kona; ni madingano ni mathumiselo a phande ni phande;

Ekleziyaste 12:6

kusanzi kubhenuka txhini ya silivhela, ni kufayeka digombe da nzalama, ni kufayeka ka lidhuwa hafuhi ni txisima, ni kufayeka ka likasa la txisima,

Jeremiya 24:3

Mkoma a to khene kwangu: “U wona txani Jeremiya kani?” Ni to xamula, ni txi khani: “Na wona maxanvu. Maxanvu o tshura, amanene ngutu; o biha ma bihile ngutu, kha ma na kudyiwa, nguko ma bihile ngutu.”

Amosi 7:8

Mkoma a ni gela, a txi khene: U wona txani awe Amosi kani? Se ni ti khani: Ngoti. Sekoko Mkoma a to khene: Wona ta ku ani na veka lingoti hagari ka vathu vangu va Israyeli; na mbi ngadi ni pinda ngu kwawe.