Zakariya 3:9 - Bhiblia Yo Sawuleka

⁹ Nguko ndide hawa dirigwi di ni ngadi veka masoni ka Joxuwa; txitimwi ka dirigwi di da dimwedo, ku ni mtxhanu wa maso ni mambidi; wona taku ani ni na kenyela mibhalo ya kona, kuwomba Mkoma wa Mabutho a Tiyimbi, ni na thavisa wubihi wa ditiko diya ngu ditshiku dimwedo.

Zakariya 3:9 Referans Kwoze

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Jeremiya 50:20

Ka ona masikuyo ni ka yoneyo mbimo, kuwomba Mkoma, ku na xotwa wubihi wa Israyeli aniko kha wu na mbi manwa, hambi sionho sa Judha kambe kha si na mbi maneka, nguko ni na divalela ava ni no va siyeta.

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Masalmo 118:22

Dirigwi diya vaaki va ngadi nyenya di mahile dirigwi da hombe do tsanisa.

Varoma 9:33

nga ti ti nga bhalwa taku: “Ndiko na veka Siyoni dirigwi di di ku na va humba, txiwindi txi txi ku na va wisa; aniko awu a no kholwa ka dona dirigwi diya, kha na mbi wiswa tingana.”

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

2 Vakorinto 1:22

Txona ngu txona txi nga hi veka txivango ngu txixambanyo txa txona, txi txi zima timbiluni kwathu sitsaniso sa Moya.

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

2 Vakorinto 3:3

Nguko ti ha kubasani ti to Kristu ngene a nga bhala dipapilo ni ku di rumela ngu ngathu. Dona kha da bhalwa ngu tinta, aniko di bhatwe ngu moya wa Txizimu txi txi hanyako; i si nga ka sileti sa marigwi, aniko di bhatwe timbiluni ka vathu.

Mithumo 4:11

Ene ngene dirigwi di di nga nyenywa ngu nganu vaaki, adiya se di nga mahwa msungo wa dikhona.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Zakariya 3:4

Sekoko ngelozi yi txi womba-womba, yi to ruma vale va nga ti ti masoni ka yona, yi txi kha yona: Mthaviseni syambalo siya sa nzabwa. Se yi to kha yona ka Joxuwa: Wona taku ni thavisile wubihi masoni kwako, ni na kuambeka syambalo sa siphya.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Eksodha 28:36

U na maha txileti txa nzalama ya yinene, atxi ka txona u no bhala ngu kukenyela nga ti va bhalisako tona ngu txixambanyo aha ka phera, u txi khawe: “Kusawuleka nga Mkoma.”

Eksodha 28:21

marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

Eksodha 28:11

U na bhala matina a vanana va ka Israyeli aha ka marigwi mambidi, nga ti va bhalisako tona ka marigwi ngu kutxetxeretela, kasi kukhigeta marigwi ma txi tsaniswa ngu sihariketo sa nzalama.

Masalmo 103:12

A tsulisa kule sihambunyeto sathu, nga ti Wutxani ku ku kule ni mswa-ditambo.

1 Vafumeli 1:20

Ngu konaho koko, awe mfumeli, nyamne wangu, maso a dotshe ditiko da Israyeli ma wonetela awe, kuva u txi va gela ti to i mani a no khalahatsha txikhaloni ka mfumeli, msana kwako awe nyamne wangu.