Zakariya 3:5 - Bhiblia Yo Sawuleka

⁵ Ani ni to khani: Muambekeni txigoko txo basa ha msungo kwakwe. Se va to muambeka txigoko txo basa ha msungo kwakwe, ni ku muambeka syambalo; kambe Ngelozi ya Mkoma yi ti ti kona hale.

Zakariya 3:5 Referans Kwoze

Zakariya 6:11

Eko ni khani amukela silivhela ni nzalama, u maha mibhoti, u yi veka ha msungo ka Joxuwa, mwana Jozadhake, mphaxeli wa hombe.

Eksodha 29:6

U na mu ambeka txigoko ha msungo kwakwe, ni txitimwi ka txigoko u na veka txikombiso txa m'bhoti wo sawuleka.

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Jobe 29:14

Ni ti ti fenengela ni kuambala wululamo, wululamo wangu wu ti ti fana ni didhamba ni m'bhoti.

Isaya 3:23

sibuko, ni mahembe a linyu yo hehuka, ni mafadhuko, ni masilika.

Ezekhiyele 42:14

Ngako vaphaxeli va txi wulela, kha va na mbi huma ka wukhalo wo sawuleka, va txi ya ka ligumbagumba la hahanze, aniko va na veka kona syambalo sawe sile va nga thuma ngu sona, nguko sona ngu sawuleka; se va ti ambeka simwani syambalo, va txi tshuketa ka wukhalo wu lumbako vathu.

Zakariya 3:6

Se Ngelozi ya Mkoma yi to tsanisa Joxuwa, yi txi kha yona:

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.