Zakariya 3:4 - Bhiblia Yo Sawuleka

⁴ Sekoko ngelozi yi txi womba-womba, yi to ruma vale va nga ti ti masoni ka yona, yi txi kha yona: Mthaviseni syambalo siya sa nzabwa. Se yi to kha yona ka Joxuwa: Wona taku ni thavisile wubihi masoni kwako, ni na kuambeka syambalo sa siphya.

Zakariya 3:4 Referans Kwoze

Luka 15:22

Aniko tate a to gela sithumi sakwe a txi khene: ‘Kuluvetani mi neha syambalo so tshura ngutu, mi m'bombisa, mu ambekeni ringi litihoni kwakwe, mu ambekeni tikathula mikondoni kwakwe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

1 Vakorinto 6:11

Vamwani kwanu i ti vo nga toneto, aniko se mi kuwutwe, mi sawulekisilwe, mi mahilwe valulami ngu ditina da Mkoma wathu Jesu Kristu ni Moya wa Txizimu txathu.

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Vahebheru 8:12

Nguko, ni na va ni wumbilu ka sihoxo sawe, ni na mbiswa ni txi alakanya sionho sawe.”

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Zakariya 3:9

Nguko ndide hawa dirigwi di ni ngadi veka masoni ka Joxuwa; txitimwi ka dirigwi di da dimwedo, ku ni mtxhanu wa maso ni mambidi; wona taku ani ni na kenyela mibhalo ya kona, kuwomba Mkoma wa Mabutho a Tiyimbi, ni na thavisa wubihi wa ditiko diya ngu ditshiku dimwedo.

Masalmo 51:9

U nga wone sionho sangu kambe pfhita sotshe sionho sangu.

Vakolosa 3:10

mi ambate m'thu wamphya, awuwa se a kulako ka wona wuphyewo, ngu kulondetela nzila ya m'vangi wakwe, kasiku e mana wuzivi wa kuhetiseka.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Zakariya 3:1

Se Txizimu txi to ni komba Joxuwa, mphaxeli wa hombe, awu a nga ti ti masoni ka Ngelozi ya Mkoma, se Sathani a ti ti ka dianza da txinene da Joxuwa, kasi ku mmangala.

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

Mtuletelo 5:11

Konako ni woni txiwoniso, ni engisile kambe mapswi a tingelozi ta tingi, ti di randete txikhalo txa wukoma, kumweko ni sivangwa si si hanyako ni madhota-mtengo wa tona i ti makhulu-khulu ni makhulu-khulu ni mazana a mazana a ku ambi balwa.

Matewu 22:11

“Mbimo yi mfumeli a nga wulela kuya wona ava va nga ti khalahatshile kudyani, a to wona mmweyo m'thu, a nga sa ambala nguwo ya mtxhadho.

Ezekhiyele 42:14

Ngako vaphaxeli va txi wulela, kha va na mbi huma ka wukhalo wo sawuleka, va txi ya ka ligumbagumba la hahanze, aniko va na veka kona syambalo sawe sile va nga thuma ngu sona, nguko sona ngu sawuleka; se va ti ambeka simwani syambalo, va txi tshuketa ka wukhalo wu lumbako vathu.

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Jeremiya 52:33

Se e mthavisa syambalo sa mkorani, se Jehoyakimi a dyite kumweko nayo sakudya, ka masiku otshe a kuhanya kwakwe.