Zakariya 2:8 - Bhiblia Yo Sawuleka

⁸ Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Zakariya 2:8 Referans Kwoze

Masalmo 17:8

Ni xayise kufana ni ndololo ya diso dako; ni sise mtsudini ka mabhapi ako,

Dhewuteronome 32:10

Ene a mmani ditikoni ka txiwula, ka txiwula txa mafu a kuoma, txo tala ngu tihuwa; a m'bhiyete a txi mxayisa, a txi m'vekisa kufana ni ndolowani ya diso dakwe.

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

1 Johani 4:14

Se athu hi ti woni, kambe ha fakaza ti to Tate a rumete Mwanana wakwe ku ta maha Muhanyisi wa ditiko.

Johani 17:18

Ngako u nga ni ruma ha ditikoni, nanani ni va rumile ha ditikoni.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Zefaniya 2:8

Ani ni pfite kuruketela ka Mowabhi ni mapswi a nzambwa a vanana va ka Amoni, aale va nga ruketela ngu ona vathu vangu, ve ti bhuma ngu mihingano yawe.

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Mika 5:6

Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

Ezekhiyele 35:5

Nguko wulala wako kha wu gwiti, se u lekile vanana va ka Israyeli ve wukelwa ngu ditxhari, ka mbimo ya wubihi wawe wa hombe.

Ezekhiyele 26:2

Awe mwanana wa m'thu, nga kule Tiro a nga khene ka Jerusalema: Yowe! Yowe! Di fayilwe ditimba da vathu; di rendekete kwangu; ni na talelwa, aniko ene a xasetwe!

Ezekhiyele 25:15

Mkoma Txizimu a khene: Nga kule Vafilista va nga phota, va txi phota ngu wubihi wa timbilu tawe, va txi fuvisa ngu wulala wa kwa mbi gwita,

Ezekhiyele 25:12

Mkoma Txizimu a khene: Ngako koko va ka Edhomi va nga ti photela ka nyumba ya ka Judha, va txi ti manisa mnandu ngutu, mbimo yile va nga ti photela kwakwe,

2 Vafumeli 24:2

Se Txizimu txi to rumela Vakaldheya kuya lwisa Jehoyakimu, ni masotxhwa a Vasiro, ni masotxhwa a va ka Mowabhi, ni masotxhwa a vanana va Amoni; a to va rumela kuya lwisa Judha, kasi kuya va fuvisa, madingano ni dipswi dile Mkoma a nga ngadi womba, ngu mthumoni ka sithumi sakwe, i ku vaprofeti.

Genesisi 20:6

Txizimu txi to mxamula ngu mloro, txi txi kha txona: “Ani na tiziva kha kwati taku, eto u ti mahile ngu mbilu ya yinene; aniko ngani ni nga maha ti to u si ni onheli, ni si kutumetisi kum'gwesa.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Zakariya 2:9

Nguko wonani taku, ni na guleta dianza dangu txitimwi kwawe, se vona va nata maha sikarawa, sa va va nga va thumela. Ngu kumaha keto, mi na tiziva tito, Mkoma wa Mabutho a Tiyimbi a ni rumile.

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.

Mavingu 7:2

Xayisa sirumo sangu u na hanya; ni mlayo wangu, kufana ni ndololwani ya diso dako.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Ezekhiyele 38:14

Ngu tona eto, profeta awe mwanana wa m'thu, u txi khawe ka Goge: Mkoma Txizimu a khene: Ina khu na mbi tiziva ka dona ditshiku dile, mbimo yile vathu vangu va ka Israyeli, va no zumba ngu kutsana kani?

Isaya 49:19

Nguko siwulani kwako, ni marumbini kwako, ka ditiko dako do hoxotwa, u na ti wona, konkuwa u di kamilwe ngu vaaki, ni vale va nga ku kakatxula va na ya kule ni nawe.

Ezekhiyele 36:11

Aniko ni na andisa vathu ni sihari txitimwi kwanu; vona va na velekela ve anda; se ni na mi maha mi zumba nga kukhatani, ni txhukwata dihanyo danu kupinda kukhatani; mi na tiziva taku ani, ngani Mkoma.

Ezekhiyele 38:11

Se u na khawe: Ni na wukela matiko ka miti yile yo mbi bhiyelwa, ni nata wukela vale va ku mu ko humula, vale va zumbako va di tsani; votshe va zumba va sa ti bhiyela, kambe kha va na matimba a hombe a tisimbi, hambi matimba;

Zakariya 8:5

Se tinzila ta didhoropa ti na tala ngu mazambi ni mahorana, ale ma no sakana ka tona.