Zakariya 2:7 - Bhiblia Yo Sawuleka

⁷ Awe! Siyoni! Ti txhatxhise awe u zumbako ni mwanana wa dihorana wa Bhabhilona.

Zakariya 2:7 Referans Kwoze

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Mtuletelo 18:4

Ni engisile kambe dimwani dipswi da nzumani, di txi kha dona: “Anu vathu vangu, humanimo, kasiku mi si manwi ngu mnandu wa sionho sakwe; ni kutshapelwa ngu mitungu yakwe;

Mithumo 2:40

Pedro a to tsanisa wufakazi wakwe ngu mamwani mapswi amangi, a txi va laya, a txi khene: “Hambanani ni liveleko liya lo gombonyeka.”

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Genesisi 19:17

Ngako va di va humisile hahanze ka didhoropa, mmweyo wa vavamna vale, a to khene ka Loti: “Hulukisa wutomi wako! U nga wone msana, kambe u nga eme ni ka wuhi wukhalo wa mu libalani, thavela mmangoni, kasi u si lovi.”

Mika 4:10

Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.

Jeremiya 51:45

Anu vathu vangu humani hagari kwawe, mmweyo ni mmweyo a na hulukisa dihika dakwe, ngu mhaka ya kutura ka kuhenya ka Mkoma.

Jeremiya 50:8

Thavani hagari ka Bhabhilona, kambe humani ditikoni ka Vakaldheya, mahani nga tihamba masoni ka mtxhambi.

Isaya 52:2

Gubhuta lithulu, wuka u khalahatsha, awe Jerusalema; titxhatxhise ka tingoti ti ti ku thamoni kwako, awe mwanana wa muhorana wa Siyoni, u ku khumbi.

Mitengo 16:34

Se votshe va ka Israyeli ava va ngadi randete wukhalowo, va to tutuma va txi peka huwa, va txi kha vona: A hi tutumeni, mafu ma nga thuka me hi mita nanathu!

Mitengo 16:26

Se Mosi a to womba ka msengeletano a txi khene: Humani amu matendani ka vathuvo va kubiha, mi nga gweseni txiya ni txa tximwetxo txawe, nguko mi nga loviswa ngu sionho sawe sotshe.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.